खोज

दाङ, १४ असोज ।

दाङ जिल्ला उद्योग वाणिज्य सघंको अध्यक्षमा बसन्त जोशी निर्वाचित भएका छन् । संयुक्त व्यावसायिक प्यानलका जोशीले साझा समावेशी प्यानलका रामप्रसाद पोख्रेललाई ४ सय ३५ मतान्तरले पराजित गरी संघको आगामी कार्यकालका लागि अध्यक्षमा निर्वाचित भएका छन् । निर्वाचन समिति संयोजक निर्मल गौतमका अनुसार, जोशीले १ हजार ३ सय ४५ मत पाउँदा पोख्रेलले ९ सय १० मत मात्र प्राप्त गरे ।

त्यस्तै वाणिज्य सघंको वरिष्ठ उपाध्यक्षमा संयुक्त व्यावसायिक प्यानलका नरेश कुमार श्रेष्ठले सबैभन्दा धेरै मत प्राप्त गर्दै निर्वाचित भएका छन् । उनले १ हजार ३ सय ६१ मत प्राप्त गर्दा निकट्तम प्रतिष्पर्धी साझा समावेशी प्यानलका दीपेन्द्र पुन मगरले ८ सय ४२ मत प्राप्त गरे ।

उद्योग उपाध्यक्षमा साझा समावेशी व्यावसायिक प्यानलका ध्रुव कुमार गहतराज १ हजार १ सय २६ मत प्राप्त गरी निर्वाचित भएका छन् । उनका निकट्तम प्रतिष्पर्धी संयुक्त व्यावसायिक प्यानलका भरतप्रसाद रेग्मीले १ हजार ७० मत प्राप्त गरे ।

बाणिज्य उपाध्यक्ष संयुक्त व्यावसायिक प्यानलका लिलाराम खड्काले १ हजार १ सय ५२ मत प्राप्त गरी निर्वाचित भएका छन् । उनका प्रतिष्पर्धी राजभक्त रानाले १ हजार २० मत प्राप्त गरे ।

त्यस्तै वाणिज्य सघंको महासचिवमा महेन्द्र बुढाथोकीले १ हजार २ सय ३६ मत प्राप्त गरी निर्वाचित भएका छन् । उनका प्रतिष्पर्धी शालिकराम खनालले ९ सय ५४ मत प्राप्त गरे । महासचिवमा बुढाथोकी दोश्रो कार्यकालका लागि निर्वाचित भएका छन् ।

सचिवमा विकास वलीले १ हजार ८४ मत प्राप्त गरि निर्वाचित भएका छन् । उनका प्रतिष्पर्धी भिमसेन डाँगी ४ मतले पराजित भए । डाँगीले १ हजार ८० मत प्राप्त गरे ।

त्यस्तै कोषाध्यक्षमा जगतप्रसाद आचार्य १ हजार २ सय ३ मत प्राप्त गरी निर्वाचित भएका छन् । उनका निकट्तम प्रतिष्पर्धी प्रेम बहादुर बुढाले ९ सय ६८ मत मात्र प्राप्त गरे । सह–कोषाध्यक्षमा १ हजार ३ सय २९ मत प्राप्त गरि माधव खनाल निर्वाचित भएका छन् । उनका निकट्तम प्रतिष्पर्धी यादव बहादुर श्रेष्ठले ७ सय ७८ मत प्राप्त गरे ।

त्यस्तै उद्योग सदस्यमा विक्रम राना १ हजार २ सय ७ मत पाएर निर्वाचित भएका छन् भने उनका प्रतिष्पर्धी सन्तोष नेपालीले ७ सय ३४ मत प्राप्त गरे । महिला सदस्यमा लिला नेपाली १ हजार ११ मत पाएर निर्वाचित हुँदा उनको निकट्तम प्रतिष्पर्धी देवकला बस्नेतले ९ सय ५५ मत प्राप्त गरे ।

वाणिज्य सदस्यहरुमा रुद्रबहादुर जैसीले १ हजार १ सय ४२, दिपक पण्डितले १ हजार २ सय २५, निम बहादुर बुढाथोकीले १ हजार १ सय २०, युवराज पन्तले १ हजार १ सय २०, रामप्रसाद पोख्रेलले १ हजार ३ सय ४०, पुष्कर राज न्यौपानेले १ हजार ६३, नोर्वु तामाङले १ हजार ३ सय ६ र सुरज बुढाथोकीले १ हजार १ सय ५८ मत प्राप्त गरी निर्वाचित भएका छन् ।

निर्वाचन समितिका अनुसार, निर्वाचनमा साझा समावेशी प्यानलका उद्योग उपाध्यक्ष बाहेक सबै पदमा संयुक्त व्यावसायीक प्यानलले जितेको छ । दाङ जिल्ला उद्योग वाणिज्य सघंमा कुल ३ हजार ३ सय ५८ मतदाता संख्या रहेकोमा २ हजार ३ सय ५७ मत खसेको थियो । शनिवार दाङको घोराहीमा सम्पन्न उद्योग वाणिज्य सघंको निर्वाचनमा संयुक्त व्यावसायीक प्यानल र साझा समावेशी प्यानल गरि दुई प्यानल चुनावी मैदानमा होमिएका थिए ।