खोज

बुटवल, २० भदौ ।

पश्चिम नेपाल बस ब्यबसायी प्रालिले पाल्पाको ऐतिहासिक भगवती जात्रा अवलोकन गर्न जाने आन्तरिक पर्यटकका लागि ५० प्रतिशत बसभाडा छुटदिने निर्णय गरेको छ । भदौ २१ गते बिहीबारका दिन बसपार्क बुकिङ्ग काउन्टरबाट टिकट काटेर बुटवलदेखि तानसेन जाने र तानसेनबाट बुटवल आउने बसमा ५० प्रतिशत बसभाडा छुट दिने निर्णय गरिएको हो ।

सन.१८७१ देखि १८७३ सम्म बुटवलको जीतगढीमा भएको नेपाल अंग्रेज युद्धमा कर्णेल उजिरसिंहको नेतृत्वमा तैनाथ नेपाली फौजले बिजय हासिल गरेको सम्मानमा पाल्पाको तानसेनमा महाउत्सवका रुपमा रणउजेश्वरी भगवती रथयात्रा गरिन्छ । पश्चिम नेपाल बस ब्यबसायी प्रालिको बैठकले नेपाल अंग्रेज युद्धमा बिजय हासिल गरेको सम्झनामा तानसेनमा प्रदर्शन गरिने भगवती जात्राका अवसरमा ५० प्रतिशत भाडा छुटदिने निर्णय गरेको हो ।

पश्चिम नेपाल बस ब्यबसायी प्रालिबाट संचालित यात्रुबहाक बसमा बसपार्कस्थित काउन्टर र अन्य बुकिङ्ग काउन्टरबाट टिकट काटेमा मात्र सो सुबिधा प्राप्त हुने जनाइएको छ । प्रालिका अनुसार बुटवलदेखि सिधा तानसेन र तानसेनदेखि सिधा बुटवल आउने जाने दुबैतर्फबाट यात्रुहरुका लागि सो सुबिधा प्राप्त हुने प्रालिद्वारा प्रकाशित सुचनामा उल्लेख छ ।

सन.१८७१ देखि १८७३ सम्म बुटवलको जीतगढीमा भएको नेपाल अंग्रेज युद्धमा नेपाली सेनाले बहादुरी र चतुराईंपुर्वक प्रतिकार गर्दै ब्रिटिश सेनामाथि बिजय हासिल गरेको थियो । सो युद्ध र बिजय हासिल गरेको दिनको सम्झनामा तानसेनमा प्रदर्शन गरिने रणउजेश्वरी भगवती रथयात्राको सम्मान स्वरुप बसभाडामा ५० प्रतिशत छुट दिइएको पश्चिम नेपाल बस ब्यबसायी प्रालिले जनाएको छ ।
प्रालिका प्रबन्ध संचालक रामचन्द्र भुसालद्वारा प्रकासित सुचनाका अनुसार बुटवलबाट पाल्पाको तानसेन जाने र तानसेनबाट बुटवल आउने यात्रुले बसपार्कस्थित टिकट काउन्टरबाट टिकट काटेमा ५० प्रतिशत छुट दिने निर्णय गरिएको छ । बसपार्कस्थित काउन्टरबाट टिकट नकाट्ने यात्रुले भने सो सुबिधा प्राप्त गर्न नसक्ने जानकारी गराउदै प्रबन्धक भुसालले आन्तरिक पर्यटन प्रबद्र्धनमा टेवा पुगोस भन्ने उद्देश्यले सो निर्णय गरिएको बताए ।
यता उजिरसिंह नेतृत्वको नेपाली फौजले अंग्रेज सेनालाई पराजित गरेको स्थल बुटवलस्थित जीतगढी किल्लामा भने नेपाली फौज बिजयी भएको दिन बैशाख ७ गते बिजय उत्सव मनाउने गरिन्छ ।