खोज

लमही, २० भदौ ।

लुम्बिनी प्रदेशका मुख्यमन्त्री डिल्लीबहादुर चौधरीले वित्तीय र भौतिक प्रगतिको प्रतिशत मात्रै हिसाव गरेर नवस्न सरकारी कर्मचारीहरुलाई निर्देशन दिएका छन् । उनले कर्मचारी र कार्यालय भौतिक र वित्तीय प्रगतिमा मात्रै केन्द्रित हुन नहुने भन्दै कागजी प्रगति भन्दा पनि महसुस हुने प्रगति अहिलेको आवश्यकता रहेको बताए । “हामी प्रतिशतको काममा अल्झिएका छौ”– उनले भने, “कर्मचारी साथीहरुले त्यतातिर पनि ध्यान दिनुुस् । कार्यसम्पादन र गुणस्तरमा ध्यान दिन समेत उनले निर्देशन दिए ।

प्रदेशले गौरवको रुपमा लिएको कार्यक्रम मुख्यमन्त्री आर्थिक विकास कार्यक्रमको छलफल कार्यक्रममा कर्मचारीहरुलाई मुख्यमन्त्रीले यस्तो निर्देशन दिएका हुन् । मुख्यमन्त्री आर्थिक विकास कार्यक्रमले नयाँ रोजगार सृजना गर्ने कार्यक्रम मात्रै सन्चालन गर्ने र त्यही अनुसार योजना र नीति बनाउन निर्देशन समेत दिए ।

उनले उत्पादनसंग जोडेर कार्यक्रमहरु सञ्चालन गर्न र उत्पादनमुखी कार्यक्रम निर्माण गर्न आग्रह गरे । उनले यसका लागि आवश्यक विज्ञहरुको व्यवस्थापन गर्न समेत निर्देशन गरे । प्रदेशलाई आर्थिक समृद्धि तर्फ लैजाने र नागरिकलाई रोजगारीमा जोड्ने मुख्य ध्येय सरकारको रहेको भन्दै त्यसतर्फ नै केन्द्रित रहन उनको आग्रह थियो । स्थानीय उत्पादहरुलाई बजारीकरण गरी स्थानीय स्तरमा रहेका जनताको जीवनतर परिवर्तन गर्न सकिने गरी काम गर्न आग्रह गरे । लुम्बिनी प्रदेशमा उत्पादन भएका विभिन्न सामग्रीहरुलाई राष्ट्रिय तथा अन्तर्राष्ट्रिय बजारसम्म पु¥याउने गरी योजना बनाउनु पर्ने बताए ।

कृषिमा नयाँ पद्दति र नयाँ व्यवसाय र व्यवसायीकरणलाई प्राथमिकता दिने गरी समेत सरकारले कार्यक्रम ल्याउने उनले बताए ।