© २०२३
७ मंसिर २०८१, शुक्रबार
७ मंसिर २०८१, शुक्रबार
दाङ, २७ असार ।
घोराही– १५ मा रहेको बुद्ध इन्टरनेशनल हस्पिटल प्रालिमा पत्थरीको अप्रेशन गरेकी एक जना महिलाको मृत्यु भएको छ । घोराही –१४ निवासी कमला बिकको मृगौलामा परेको पत्थरीको अप्रेशन गर्ने क्रममा बुधबार मृत्यु भएको परिवारले जनाएको छ ।
मृतकका आफन्तले चिकित्सकको लापरबाहीका कारण मृत्यु भएको भन्दै उपचारमा संलग्न डाक्टरलाई कारबाहीको माग गर्दै आन्दोलन गरेका छन् । मृतकका ज्वाई बरुण बिकले हस्पिटलको लापरबाहीका कारण बिरामीको मृत्यु भएको दाबी गरेका छन् । तर, अस्पतालका कर्मचारी रसिल थापाले बिरामीको हृदयघातका कारण मृत्यु भएको दाबी गरे ।
अप्रेशन गरेर सफल भएको बिरामी राम्रो बोलचाल पनि गर्ने गरेको, तर, एक्कासी हृदयघातकै कारण मृत्यु भएको अस्पतालले बताएको छ । हस्पिटलका सर्जन डा. रमेश बस्नेतले बिरामीको पत्थरीको अप्रेशन गरेको र बिरामीको अप्रेसन सफल भएको तर एक्कासी मृत्यु भएको बताए । बिभिन्न माग राखि मृतकका आफन्तले अस्पतालमा आन्दोलन गरेका छन् ।
© २०२३
सर्वाधिकार सुरक्षित
Design & Developed By:
