© 2026
१५ चैत्र २०८२, आइतबार
१५ चैत्र २०८२, आइतबार
काठमाडौं ।
राष्ट्रिय स्वतन्त्र पार्टी (रास्वपा) का सभापति रवि लामिछाने विरुद्ध जारी सहकारी ठगी प्रकरणमा काठमाडौं जिल्ला अदालतले आगामी वैशाख १४ गतेका लागि नयाँ तारेख तोकेको छ ।
अदालतका सूचना अधिकारी दीपककुमार श्रेष्ठका अनुसार लामिछाने आइतबार तारेख बुझ्न अदालत पुगेका थिए । उनीविरुद्ध काठमाडौंस्थित स्वर्णलक्ष्मी बहुउद्देश्यीय सहकारी संस्थाको रकम अपचलनसम्बन्धी मुद्दा दायर भएको छ ।
उक्त प्रकरणमा स्वर्णलक्ष्मी सहकारीका ६९० जना बचतकर्ताले ९३ थान किटानी जाहेरी दिएका छन् । लामिछानेविरुद्ध २०८१ पुस २१ गते संगठित रूपमा सहकारीको रकम अपचलन गरेको अभियोगमा मुद्दा दर्ता गरिएको थियो ।
अभियोगअनुसार गोरखा मिडिया नेटवर्क मार्फत कानुनविपरीत ५ करोड ७८ लाख ९८ हजार ४८० रुपैयाँ निकासा गरिएको दाबी गरिएको छ । सोही रकम बराबरको बिगो सरकारी वकिलले माग दाबी गरेका छन् ।
हाल लामिछाने थुनाबाहिर रही मुद्दा लडिरहेका छन् । उनी रवि लामिछाने फागुन २१ को निर्वाचनमा चितवन-२ बाट निर्वाचित सांसद समेत हुन् ।
© 2026
All rights reserved.
Design & Developed By:
