जलेश्वर (महोत्तरी) । प्रतिनिधिसभा सदस्य निर्वाचनअन्तर्गत महोत्तरीको निर्वाचन क्षेत्र नं ४ बाट राष्ट्रिय स्वतन्त्र पार्टी (रास्वपा) की उम्मेदवार गौरी कुमारी निर्वाचित भएकी छन् ।
मुख्य निर्वाचन अधिकृत माधवप्रसाद अधिकारीका अनुसार निर्वाचन क्षेत्र नं ४ को आज सम्पन्न मतगणनाअनुसार गौरी कुमारीले ३० हजार १३२ मत ल्याएर विजयी भएकी हुन ।
उनका प्रतिस्पर्धी जनता समाजवादी पार्टी (जसपा) का उम्मेदवार सुरेन्द्रकुमार यादवले आठ हजार ७४५ मत ल्याएका छन् । नेपाल कम्युनिस्ट पार्टी (एमाले) की उम्मेदवार निलम अधिकारीले छ हजार ९४४, नेपाली काँग्रेसका महेन्द्रकुमार रायले छ हजार १९२ मत ल्याएको मुख्य निर्वाचन अधिकृतको कार्यालयले जनाएको छ ।
३ चैत्र २०८२, मंगलवार
