© २०२३
६ पुष २०८२, आइतबार
६ पुष २०८२, आइतबार
काठमाडौं, ५ असोज ।
काठमाडौं उपत्यकाभित्र अब जथाभावी यात्रु चढाउने र ओराल्ने सार्वजनिक सवारीसाधनलाई कारबाही हुने भएको छ । यातायात व्यवस्था विभागले सवारी साधनलाई तोकिएको स्थानमा मात्र रोकी यात्रु चढाउने र ओराल्ने काम गर्न सूचित गरेको छ ।
जथाभावी सवारी रोकी यात्रु चढाउने र ओराल्ने काम गरेको पाइए कानुन बमोजिम कारबाही गरिने विभागले जानकारी दिएको छ । बढ्दो सवारी चाप, अव्यवस्थित सहरीकरण तथा सडक पूर्वाधार अभावका कारण काठमाडौं उपत्यकाको यातायात व्यवस्थापनमा समस्या देखिएको छ ।
यो समस्या समाधान गर्न विभागले तोकिएको स्थानमा मात्र सवारी रोक्न आग्रह गरेको हो । काठमाडौं उपत्यकामा जथाभावी सवारी रोक्ने र यात्रु चढाउने समस्या देखिन्छ भने तोकिएको स्थानमा पनि यात्रु कुर्न अनावश्यक समय रोकिनुपर्ने समस्या सार्वजनिक यातायातमा छ ।
जसका कारण यात्रुले समयमै गन्तव्यमा पुग्न सक्दैनन् ।
© २०२३
सर्वाधिकार सुरक्षित
Design & Developed By:
