खोज

बर्दिया, ३ असोज ।

जेनजी पुस्ताले गरेको आन्दोलन पश्चात् गुलरिया नगरपालिकाको फोहोर उठाउन नसक्दा नगर दुर्गन्धित बन्दै गएपछि आज बिहान उठाएका छन् ।

आन्दोलनको दोस्रो दिन नगरपालिका तोडफोडसँगै फोहर उठाउने ट्रयाक्टरको ब्याट्री चोरी भएपछि फोहर उठाउन कठिनाइ भएको हो । गुलरिया नगरपालिका वडा नम्बर ६ का वडा अध्यक्ष एवम् गुलरिया नगर प्रवक्ता सुधाशु प्रकाश शर्माले कर्मचारीबाट असहयोग भएका कारण फोहर उठेको थिएन ।

असोज ३ गतेदेखि नगरपालिकाले फोहोर उठाउने सवारीको ब्याट्री चोरिएसँगै कर्मचारीबाट फोहर उठाएका थिएनन् । शर्माले भने कर्मचारीको असहयोगका बाबजुद हामीले स्वयम स्थानीयको सक्रियतामा नगर सरसफाइ अभियान थाल्ने मनस्थितिमा पछि फोहोर उठेको हो ।

संविधान दिवसको पूर्व सन्ध्यामा सुरक्षाकर्मी, सङ्घसंस्था, कर्मचारीले संयुक्त रूपमा नगर सरसफाइ गरी दिवस मनाइने प्रचलन रहेता पनि यस पटक त्यसो हुन सकेन ।

दिवस मनाउने क्रममा सम्मीलित सहभागीहरू नाक थुनेर संविधान दिवस मनाइरहँदा नगरको फोहोरले सबैको ध्यान केन्द्रित गरेको थियो । संविधान मनाई सकेपछि केही समयमा मात्र फोहोर उठेको छ ।

गुलरिया सदरमुकामको बजार क्षेत्रमा सरकारी कार्यालय, व्यापार रहेको हुँदा सबैभन्दा बढी फोहोर निस्कने गर्छ ।  गुलरिया नगरपालिका वडा नं. ७ का स्थानीय राम रावलले फोहर समयमै उठ्न नसके स्वास्थ्य समस्या निम्तिन सक्ने तर्फ सचेत गराए ।

जस्तोसुकै अवस्था आए पनि नगरपालिकाले फोहोर व्यवस्थापन गर्नुपर्नेमा उहाँको जोड छ । नगरको फोहोर नउठ्दा सहर दुर्गन्धित त हुन्छ नै महामारी रोग फैलिन सक्ने तर्फ सजग रहनुपर्ने स्थानीयको भनाई छ ।