© २०२३
७ पुष २०८२, सोमबार
७ पुष २०८२, सोमबार
गुल्मी, ११ साउन ।
धार्मिक एवं पर्यटकीय दृष्टिले महत्त्वपूर्ण रेसुङ्गा क्षेत्रमा सरसफाइ अभियान सञ्चालन गरिएको छ । शनिबार “भुँडी घटाउ” अभियानको पहलमा उक्त रेसुङ्गाको गर्जुरा क्षेत्रमा सरसफाइ कार्यक्रम गरिएको हो ।
लाँकुरी चौपारीदेखि गर्जुरा क्षेत्रसम्म पानीको भलले सडक खोल्दा निस्किएको गिट्टीका कारण यात्रु र सवारी साधनलाई दिनहुँ यात्रामा कठिनाइ भोग्नु परेको थियो ।
सोही गिट्टीमा हालचालै मोटरसाइकल अनियन्त्रित हुँदा लडेर एक युवक शक्त घाइते बनेका थिए । धार्मिक तथा पर्यटकीय क्षेत्र सफा राख्नु सबै नागरिकहरूको कर्तव्य भएको र त्यही कर्तव्य अनुसार आफूहरूले पनि सामाजिक उत्तरदायित्व वहन गरेको “भुँडी घटाउ” अभियानका संयोजक शेर बहादुर थापाले बताए ।
साउन महिनामा रेसुङ्गा क्षेत्रमा जाने धार्मिक पर्यटकहरूको अत्यन्तै भिडभाड हुने गर्दछ । रेसुङ्गा क्षेत्रमा रहेको पोखरीमा स्नान गर्न र यज्ञशालमा पुगेर पुजाआजा गर्न जाने श्रद्धालहुरुलाई सरसफाइ अभियानले सडक झनै राम्रो बनाउनुका साथै यात्रालाई थप सुरक्षित समेत बनाउने बताइएको छ ।
© २०२३
सर्वाधिकार सुरक्षित
Design & Developed By:
