© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं ।
त्रिभुवन विश्वविद्यालयको रिक्त उपकुलपति पदमा नियुक्तिका लागि सिफारिस समितिले तीन जनाको नाम प्रधानमन्त्री एवं त्रिविका कुलपति केपी शर्मा ओलीलाई बुझाएको छ। समितिले सोमबार औपचारिक रूपमा नाम सिफारिस गरे पनि तीन जनाको नाम भने सार्वजनिक गरिएको छैन।
उक्त पदका लागि १२ जना प्रतिस्पर्धी थिए। तीमध्ये प्रा.डा. खड्ग केसी, प्रा.डा. विनिल अर्याल, प्रा.डा. योगेन्द्रबहादुर गुरुङ, प्रा.डा. उपेन्द्र कोइराला र प्राध्यापक डिल्ली उप्रेतीको चर्चा विशेष रूपमा भएको छ। यद्यपि, सिफारिस सूचीमा को-को परेका छन् भन्ने औपचारिक जानकारी आउन बाँकी छ।
प्रधानमन्त्री ओलीले ६ जेठमा सहकुलपति तथा शिक्षामन्त्री रघुजी पन्तको संयोजकत्वमा तीन सदस्यीय सिफारिस समिति गठन गरेका थिए।
पूर्व उपकुलपति केसरजङ्ग बरालले १५ चैतमा राजीनामा दिएपछि त्रिविमा उपकुलपति पद रिक्त भएको हो। अब सिफारिस सूचीबाट एक जनालाई प्रधानमन्त्री ओलीले नयाँ उपकुलपतिका रूपमा नियुक्त गर्नेछन्।
© २०२३
सर्वाधिकार सुरक्षित
Design & Developed By:
