काठमाडौं ।
नेपाली कांग्रेसको केन्द्रीय समिति बैठक तय समयभन्दा ढिला गरी सुरु हुने भएको छ। सोमबार दिउँसो २ बजेका लागि तय गरिएको बैठक अब ३:३० बजे बस्ने गरी सारिएको हो।
१६ असारदेखि जारी बैठकमा केन्द्रीय सदस्य तथा सहमहामन्त्रीहरूले आ–आफ्नो धारणा राखिसकेका छन्। आज सभापति, उपसभापति र महामन्त्रीसहित पाँच जना नेताहरूले धारणा राखेपछि बैठक निर्णयसहित टुंग्याउने तयारी गरिएको छ।
बैठकका लागि १२ वटा एजेण्डा तय गरिएको थियो, जसमा पार्टी संगठन, आगामी रणनीति र समसामयिक राजनीतिक विषयमा विस्तृत छलफल भएको छ।
