© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौँ ।
यस वर्षको मनसुन अब देशभर फैलिएको छ भन्ने जानकारी जल तथा मौसम विज्ञान विभाग, मौसम पूर्वानुमान महाशाखाले दिएको छ। महाशाखाले आज असार ६ गते (२०८२/०३/०६) मनसुन आगमनसम्बन्धी बुलेटिन–३ सार्वजनिक गर्दै यो वर्षको मनसुन प्रणाली सम्पूर्ण नेपालभर फैलिएको पुष्टि गरेको हो।
नेपालमा मनसुन पहिलोपटक जेठ १५ गते (मे २९ तारिख) कोसी प्रदेश हुँदै प्रवेश गरेको थियो। त्यसपछि करिब दुई हप्तापछि, जेठ २९ गते, मधेस, बागमती, गण्डकीका केही स्थान र लुम्बिनीको पूर्वी भागमा पुगेको थियो। आज भने मनसुन देशका सबै भागमा फैलिएको छ।
सामान्यतया नेपालमा मनसुन जुन १३ तारिखतिर प्रवेश गरेर एक साता भित्रै सम्पूर्ण देशमा फैलिन्थ्यो। तर यस वर्ष मनसुन औसत समयभन्दा १५ दिन छिट्टै भित्रिएको भए पनि, पूर्णरूपमा देशभर फैलिन २३ दिन लागेको छ।
विभागले यसलाई विशेष मौसमी परिघटना मानेको छ, किनभने मनसुनको सुरुवात चाँडो भए तापनि यसको फैलावट ढिलो देखिएको छ। अब भने देशभर मनसुनी प्रभाव देखिने भएकाले आगामी दिनहरूमा वर्षा सम्बन्धी सावधानी आवश्यक हुने संकेत दिइएको छ।
© २०२३
सर्वाधिकार सुरक्षित
Design & Developed By:
