© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौं ।
नेकपा एकीकृत समाजवादीका वरिष्ठ उपाध्यक्ष तथा सांसद राजेन्द्र पाण्डेले प्रधानमन्त्रीलाई निजामती सेवा विधेयकमा प्रस्तावित कुलिङ पिरियडको व्यवस्था हटाउन नहुने स्पष्ट रूपमा बताएका छन्।
प्रतिनिधिसभाको आजको बैठकमा विशेष समय लिएर बोल्दै उनले उच्चपदस्थ कर्मचारीबाट आएको कथित धम्कीप्रति सरकार दृढ रहनुपर्ने बताएका हुन्। उनका अनुसार, केही सचिवहरूले कुलिङ पिरियड राखिएमा राजीनामा दिने भन्दै प्रधानमन्त्रीलाई दबाब दिने प्रयास गरेका छन्।
“२५ सचिवले राजीनामा दिए २५ सहसचिवले जिम्मेवारी पाउँछन्,” पाण्डेले टिप्पणी गरे, “सरकार धम्कीसँग नडराओस्, विधेयक सुधारको प्रक्रियालाई कमजोर नपारोस्।”
पाण्डेका अनुसार, कुलिङ पिरियड हटाउन खोज्नु जनप्रतिनिधिको निर्णयमाथि कर्मचारीतन्त्रको हस्तक्षेपको संकेत हो। उनले संसद्मा आइपुगेको विधेयकमा लामो छलफलपछि समेटिएको प्रावधानलाई संरक्षण गर्नुपर्नेमा जोड दिए। यो विषयमा संसदभित्र थप बहस हुँदै जाने संकेत देखिएको छ।
© २०२३
सर्वाधिकार सुरक्षित
Design & Developed By:
