© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौँ ।
नेकपा एकीकृत समाजवादी पार्टीका सांसद अम्मरबहादुर थापाले आगामी आर्थिक वर्षको बजेटप्रति असन्तुष्टि जनाउँदै संसद्को बैठकमै बजेट पुस्तक च्यातेका छन्। बिहीबारको प्रतिनिधि सभा बैठकमा उनले यस्तो कदम चालेका हुन्।
थापाले भौतिक पूर्वाधार मन्त्रालयको बजेटले दैलेखलगायतका धेरै जिल्लाका जनताको आवश्यकता नबुझेको आरोप लगाए। उनले बजेटले जनताबाट उठाइएको राजस्वको न्यायोचित वितरण नगरेको भन्दै आक्रोश व्यक्त गरे।
“बजेट उल्टो बाटोमा गएको छ। जनतामाथि जिम्मेवार देखिएन। त्यसैले च्यात्ने अनुमति लिएर च्यातेँ,” उनले बैठकमा भने।
सांसद थापाको यस्तो प्रत्यक्ष विरोधप्रदर्शनलाई संसद्मा उपस्थित सांसदहरूले चासोका साथ लिएका छन्। बजेटमाथिको असहमति व्यक्त गर्ने शैलीमा आएको यस किसिमको कदमले सरकारको बजेट नीति र क्षेत्रीय समावेशिताप्रति प्रश्न उठाएको छ।
© २०२३
सर्वाधिकार सुरक्षित
Design & Developed By:
