© २०२३
२७ मंसिर २०८२, शनिबार
२७ मंसिर २०८२, शनिबार
काठमाडौँ ।
प्रतिनिधिसभाको आजको बैठक सुरु भएलगत्तै राष्ट्रिय स्वतन्त्र पार्टी (रास्वपा) र राष्ट्रिय प्रजातन्त्र पार्टी (राप्रपा) का सांसदहरूले गृहमन्त्री रमेश लेखकको राजीनामा माग गर्दै विरोध जनाएपछि बैठक ३० मिनेटका लागि स्थगित गरिएको छ।
बैठक सुरु हुनासाथ विरोध प्रकट भएको थियो। सभामुख देवराज घिमिरेले रास्वपाकी सांसद चन्दा कार्की भण्डारीलाई बोल्न अनुमति दिएका थिए। तर उनको मन्तव्यपछि नेपाली कांग्रेसका प्रमुख सचेतकले रास्वपाका सांसदहरूले निलो रिबन बाँधी प्रस्तुत गरेको विरोध कार्यप्रति नियमविपरीत रहेको भन्दै आपत्ति जनाए।
उपस्थित तनावका बीच सभामुख घिमिरेले ३० मिनेटका लागि बैठक स्थगित गरिएको घोषणा गरे।
रास्वपा र राप्रपा दुवैले भिजिट भिसा प्रकरणमा देखिएको अनियमितता र त्यसमा गृहमन्त्री लेखकको भूमिका रहेको भन्दै राजीनामाको माग गर्दै संसद्मा निरन्तर विरोध जनाइरहेका छन्। संसद्को वातावरण अझै पूर्ण रूपमा सहज बन्न सकेको छैन भने विवादित विषयहरूमा सहमति जुटाउने प्रयास जारी छ।
© २०२३
सर्वाधिकार सुरक्षित
Design & Developed By:
