© २०२३
२ पुष २०८२, बुधबार
२ पुष २०८२, बुधबार
काठमाडौँ, १ असार ।
प्रतिनिधिसभाको बैठक सुरु भएको छ । सङ्घीय संसद् भवन, नयाँ बानेश्वरमा उक्त बैठक सुरु भएको हो । सो बैठक बिहान ११ः०० बजे बोलाए पनि झन्डै २ घण्टा ढिला गरी सुचारु भएको हो ।
तर, आजको बैठक पनि राष्ट्रिय स्वतन्त्र पार्टी र राप्रपाले भने उभिएर विरोध गरिरहेका छन् । तर, सभामुख देवराज घिमिरेले नेपाली काँग्रेसका प्रमुख सचेतक श्याम घिमिरेलाई समय दिए पनि रास्वपाले भने बेल घेराउ गरिरहेका छन् ।
आजको बैठकमा राष्ट्रियसभाबाट उत्पत्ति भएको पानी जहाज (सञ्चालन तथा व्यवस्थापन) बिधेयक, २०८१ का सबन्धमा राष्ट्रियसभाबाट प्राप्त सन्देशसहितको विधेयक टेबुल गरिने कार्यसूची रहेको छ ।
आजको बैठकमा उपप्रधानमन्त्री एवम् अर्थमन्त्री विष्णुप्रसाद पौडेलले वक्तव्यसहित ‘आर्थिक वर्ष २०८२र८३ को राजश्व र व्ययको वार्षिक अनुमानमाथि सामान्य छलफल गरियोस्’ भन्ने प्रस्ताव पेस गर्ने र सो प्रस्तावमाथि छलफल हुने सम्भावित कार्यसूची छ ।
यस्तै, राज्य व्यवस्था तथा सुशासन समितिका सभापति रामहरि खतिवडाले ‘सङ्घीय निजामती सेवा विधेयकसम्बन्धी समितिको प्रतिवेदन, २०८२ ’ पेस गर्ने कार्यसूचीमा राखिएको छ।
© २०२३
सर्वाधिकार सुरक्षित
Design & Developed By:
