© २०२३
५ पुष २०८२, शनिबार
५ पुष २०८२, शनिबार
काठमाडौँ ।
नेपाल समाजवादी पार्टी (नयाँ शक्ति)का अध्यक्ष तथा पूर्व प्रधानमन्त्री डा. बाबुराम भट्टराईले आगामी वर्षको निर्वाचन राजनीतिक उथलपुथलको शृङ्खला बन्ने दाबी गरेका छन्।
बिहीबार काठमाडौँमा आयोजित पत्रकार सम्मेलनमा बोल्दै उनले नेपाली कांग्रेस, नेकपा एमाले र माओवादी केन्द्रबीचको ‘खुट्टा तानातान’ अझ स्पष्ट हुँदै जाने भन्दै ती दलहरू थप कमजोर हुने र जनतामा वैकल्पिक शक्तिको खोजी तीव्र हुने बताएका हुन्।
“२०८४ सालको निर्वाचन उथलपुथलको निर्वाचन हुन्छ,” उनले भने, “मुख्य तीन दलका नेताहरूको चर्तिकला झन् बढी नाङ्गिनेछ, पोल खुल्दै जानेछ।”
उनको भनाइमा, पुराना पार्टीहरू आन्तरिक असमझदारी र प्रतिस्पर्धामा फसेका छन्, जसले जनतामा निराशा सिर्जना गर्दै वैकल्पिक शक्तिहरूको लागि सम्भावना बढाएको छ।
भट्टराईले आगामी दिनमा नयाँ राजनीतिक ध्रुवीकरण आवश्यक भएको संकेत दिंदै जनताले पुरानाको विकल्प खोज्ने वातावरण निर्माण हुँदै गएको बताए।
© २०२३
सर्वाधिकार सुरक्षित
Design & Developed By:
