© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौँ ।
उपप्रधानमन्त्री तथा अर्थमन्त्री विष्णुप्रसाद पौडेलले स्वदेशमा नै रोजगारी र सम्भावनाको वातावरण सिर्जना गर्ने लक्ष्यसहित हालको बजेट ल्याइएको बताएका छन्। बिहीबार काठमाडौंमा मिडिया इन्टरनेसनलले आयोजना गरेको कार्यक्रममा बोल्दै उनले नेपाली जनशक्तिलाई विदेशिनबाट रोक्नुपर्ने आवश्यकतामा जोड दिए।
पौडेलले अहिलेको समय अन्तरिक्षमा समेत सम्भावना खोज्ने युग भएको उल्लेख गर्दै भने, “हामीले हाम्रो देशभित्रै सम्भावना किन नखोज्ने?” उनका अनुसार स्वदेशमै अवसर सिर्जना गर्न राजनीतिक स्थिरता, सही दृष्टिकोण, र प्रभावकारी कार्यान्वयन अपरिहार्य छ।
अर्थमन्त्री पौडेलले नेपालको प्राकृतिक स्रोतसाधनको उल्लेख गर्दै देशसँग ५० वर्षसम्म आन्तरिक आवश्यकता पूर्ति गर्न सक्ने तेल र ग्याँसको खानी रहेको जिकिर गरे। साथै, उनले जनशक्तिको सदुपयोग गर्दै त्यसलाई देशभित्रै परिचालन गरी समृद्धितर्फ अगाडि बढ्न सकिने बताए।
कार्यक्रमका क्रममा उनले भने, “सम्भावनाहरू यत्रा नगरी खोज्न सकिन्छ। जनशक्तिको पलायन रोक्दै देशमै सम्भावनाको ढोका खोल्न बजेट केन्द्रित छ।”
© २०२३
सर्वाधिकार सुरक्षित
Design & Developed By:
