© २०२३
३ पुष २०८२, बिहीबार
३ पुष २०८२, बिहीबार
काठमाडौँ ।
भिजिट भिसा प्रकरणले राजनीतिक तरंग फैलाइरहेको बेला गृहमन्त्री रमेश लेखकमाथि छानबिनको माग गर्दै विपक्षी दलहरूले संसद् अवरुद्ध गर्ने अडानलाई आज पनि निरन्तरता दिएका छन्। पछिल्लो राजनीतिक समन्वयस्वरूप, प्रतिनिधिसभाको बैठक अघि विपक्षी नेताहरू बानेश्वरमा जुटे, जहाँ माओवादी केन्द्र, नेकपा (एकीकृत समाजवादी) र रास्वपाका नेताहरूले संयुक्त छलफल गरे।
माओवादी केन्द्रका नेता वर्षमान पुन र सचेतक हितराज पाण्डे, रास्वपाका सन्तोष परियार तथा समाजवादीका नेता राजेन्द्र पाण्डेले छलफलमा सरकारको अडानबारे गम्भीर असन्तोष व्यक्त गरेका थिए। छलफलपछि माओवादीका प्रमुख सचेतक हितराज पाण्डेले संसद् खुलाउने सर्त फेरि दोहोर्याउँदै भने, “हामी पहिले जे अडानमा थियौं, त्यहीँ छौं—छानबिन समिति नबन्ने हो भने हाम्रो विरोध कायमै रहनेछ।”
प्रतिनिधिसभाको बैठक दिउँसो १ बजेका लागि बोलाइएको छ। विपक्षी दलहरूले गृहमन्त्री लेखकविरुद्ध जेठ १३ गतेदेखि नै संसद् अवरुद्ध गर्दै आइरहेका छन्, र आजको दिन त्यसैको निरन्तरता हो।
© २०२३
सर्वाधिकार सुरक्षित
Design & Developed By:
