खोज

बुटवल, २० असार ।

सामाजिक क्षेत्रमा अग्रसर क्लबहरु आर्थिक रुपमा सबल हुने गरी अक्षयकोषलाई बलियो बनाएर अघि बढ्न जरुरी रहेको एक कार्यक्रममा बोल्ने वक्ताहरुले जोड दिएका छन् ।
लायन्स क्लब अफ बुटवल तिलोत्तमा र तिलोत्तमा मायादेवीको शुक्रबार बसेको प्रथम सल्लाहकार बैठकमा सल्लाहकारहरुबाट यो सुझाव आएको हो ।

कार्यक्रममा निवर्तमान डिजि पुरुषोत्तमभक्त प्रधानाङले लायन्सको मुलमन्त्रलाई मध्येनजर गरि विविध गतिविधिसहित ग्लोबल वार्मिङका विषयमा समेत समेटेर अघि बढ्न जरुरी रहेको बताए। विश्वभर नै लायनबादको नारालिएर सामाजिक क्षेत्रमा अघि बढेको उनले बताए।

कार्यक्रममा क्लबका वर्ष २०२५÷२६ का अध्यक्ष चिरञ्जीवी श्रेष्ठले अक्षयकोष स्थापना गरेर अघि बढ्ने बताए। डेढ लाख रुपैया बराबरको अक्षयकोषमा जम्मा गर्ने प्रतिवघ्दता जनाए।
सास्कृतिक र रचनात्मक कार्यक्रममा जोड दिएर अघि बढ्ने प्रतिवद्घता जनाए। क्लबका सदस्यहरुलाई क्रियाशिल बनाउने गरि अभियान थाल्ने उनले बताए।

कार्यक्रममा वर्ष २०२५÷२६ का कोषाध्यक्ष राजेन्द्र धितालले २६ लाख ३६ लाख रुपैया बराबरको बजेट प्रस्तुत गरे। जसमा छात्रवृत्ति, सम्मान, स्वस्थ्य शिविर, क्लब भिजिट लगायतका विविध रचनात्मक कार्यक्रम गरिने भएको भएको छ। हाल ५९ जना सदस्य रहेको क्लबलाई थप वृघ्दि गर्ने लक्ष्य रहेको उनले बताए।
क्लबका वर्ष २०१४÷२५ का अध्यक्ष उपेन्द्र श्रेष्ठ, सल्लाहकार राजेन्द्र बहादुर शाक्य, पुरुषोत्तम श्रेष्ठ, सुरेसरत्न बज्राचार्य, अमुल्यमान थैवले जलन उपचार, वृक्षारोपण सचिवालय परिसरमा गर्ने, सिपमुलक र आयमुलक तालिमहरु चलाउने जस्ता विषयमा समेत सुझाव दिए। कार्यक्रममा तिलोत्तमा मायादेवीको अध्यक्ष सीता श्रेष्ठ, सचिव सुमित्रा धिताल, कोषाध्यक्ष कबिता शाक्यले सहकार्यमा क्लबलाई अघि बढाउने बताए।

संयुक्त बैठकबाट पुर्व अध्यक्ष परिषदको संयोजक प्रेम बहादुर ताम्राकार र बिन्दिया थैब चयन भएको लायन्स क्लब अफ बुटवल तिलोत्तमाका सचिव काशिराज ज्ञवालीले बताए ।