खोज

बर्दिया, २८ चैत ।
बर्दियामा तरकारी संकलन केन्द्र नहुँदा तरकारी बिक्री गर्न किसानहरूलाई समस्या परेको छ । जिल्लामा करिब २ सय बढी किसानहरू व्यवसायीक तरकारी खेती गर्दै आएका छन् । तरकारी खेतीका लागि लुम्बिनी प्रदेश सरकार अन्तरगत एकिकृत कृषि तथा पशुपंक्षी विकास कार्यालय बर्दियाले किसान मुखी विभिन्न कार्यक्रम संचालन गरिरहेका छन् । बर्दियामा करिब ६ हजार १ सय ५३ हेक्टर क्षेत्रफलमा तरकारी खेती गर्दै आएका छन् । बर्दियामा ठूलो बजार, संकलन केन्द्र र भारतको सिमा नजिक हुँदा व्यवसायिक तरकारी खेती गर्ने किसानहरूलाई मर्का परेको एकिकृत तथा पशुपंक्षी विकास कार्यालय बर्दियाका प्रमुख सागर ढकालले बताए । उनले भने, पहिलोमा किसानहरूले उत्पादन गरेको व्यवस्थित संकलन केन्द्र नभएकोले किसानहरू बजार पाउन सकेको छैनन् ।

व्यपारीहरूले तरकारी खरिद गर्दा सबै प्रकारका तरकारी एकै ठाँउमा बर्दियको कुनै पनि किसानहरू सँग नहुने भएपछि तरकारी खरिद गर्न धेरै किसानहरू संग पुग्नुपर्ने भएकोले व्यापारीहरू बर्दियाका किसानहरू संग तरकारी खरिद नगरेर भारतीय व्यापारीहरू संग तरकारी खरिद गर्न जाने गरेका हुन्छन् । एकिकृत कृषि तथा पशुपंक्षी विकास कार्यालय बर्दियाले यस आर्थिक बर्ष करिब ५० लाखको सिंचाई बोर्डिंग ७५ जना किसानहरूले अनुदान लिन पाउने भएका छन् । यस बर्ष उत्पादनमुखी तरकारी खेती गर्ने किसानहरूका लागि १० लाख बराबरको अनुदान लिएर आएको कार्यालय प्रमुख ढकालले बताए ।

बर्दियको गुलरिया नगरपालिका वडा नं. ५ बालापुरका सब भन्दा धेरै किसानहरूले व्यवसायिक तरकारी खेती गर्दै आईरहेका छन् । बालापुर गाउँका सबै किसानहरू बर्षाैंदेखि व्यवसायिक तरकारी खेती गर्दै आइरहेको राम बहादुर थारुले बताए । उनका अनुसार गाउँमा करिब ३० घरधुरीका ४० विगहा खेतमा व्यवसायिक तरकारी खेती गर्दै आएको बताए । उत्पादन भएको तरकारी बर्दियामा बिक्री हुँदैन यहाँका तरकारी खरिद गर्नका लागि कैलालीको टिकापुरका किसानहरू खरिद गर्नका लागि आउने गरेका किसान थारुले बताए । पहिला किसाननहरूले आफ्नो घर खर्चको लागि मात्र तरकारी उत्पादन गर्दै आएका थिए तर सरकारले किसानहरूलाई अनुदान र तालिम प्रदान गर्न थालेपछि किसानहरू थप उत्साहित भएर व्यवसायिक तरकारी खेती तिर अकार्षित भएका हुन् ।

तरकारी उत्पादन र बिक्री वितरण गर्न निकै खर्चिलो भएकोले उत्पादन भएको तरकारी समयमा बिक्री गर्न नसकेको बर्दियाका किसान सन्तोष चोधरीले बताए । भारतीय व्यापारीहरूले नेपालका व्यापारीहरूलाई तरकारी फोन गरेर मगाउने गर्छन तर हामी बजार भन्दा धेरै टाढा र तरकारी संकलन केन्द्र नभएकोले व्यपारीहरूलाई पुर्याउन नसक्दा तरकारी बिक्री हुँदैन । नेपालका किसानहरूले उत्पादन गरेका तरकारी सजिलै व्यपारीहरू माझ पुर्याउन तरकारी संकलन केन्द्र र तरकारी हाटबजार स्थापना गर्न जरुरी रहेको किसान चौधरीले बताए । व्यवसायीक तरकारी खेती गर्ने किसानहरूको सञ्जाल नभएको पनि मुख्य कारण देखिन्छ । सरकारले व्यवसायिक तरकारी उत्पादनमा प्रोत्साहन गरे जस्तै किसानहरूले उत्पादन गरेका तरकारी संकलन केन्द्र स्थापना गर्न जरुरी संगै भारतीय अवैध पैठारी तरकारीलाई रोक्न जरुरी देखिन्छ ।