खोज

कपिलवस्तु,  ९ चैत्र
‘हिमनदी संरक्षण’ भन्ने मुल नाराका साथ आज कपिलवस्तुमा पनि बिभिन्न कार्यक्रमको आयोजना गरेर विश्व पानी दिवस मनाईएको छ । दिवशको अवसरमा मायादेवी गाउँपालिका वडा न. ८ को बिजुवा स्थित विजुवा सामुदायिक भवनमा पालिकास्तरको अन्तरक्रिया गरिएको छ । मायादेवी गाउँपालिकाको आयोजना तथा ईस्लामिक रिलिफ नेपाल- लुम्बिनी एकिकृत विकास सस्था (लिडो नेपाल) को समन्वय तथा सहजीकरणमा खानेपानीको औचित्य, महत्व, घरायसी स्तरमा पानी शुद्धीकरणका विधिहरु र पानीजन्य रोगहरुको विषयमा अन्तरक्रिया कार्यक्रम गरिएको हो । कार्यक्रममा पालिकाका स्थानिय सहित विजुवा कृषक समुहका सदस्यहरु र अन्य स्थानीय समाजसेवी , बुद्दिजिविहरुको उपस्थिती रहेको थियो । पानीको संरक्षण र प्रयोगमा सचेतना प्रवाह गर्न कार्यक्रमले भुमिका खेल्ने मायादेवी गाउँपालिकाका अध्यक्ष वलिउद्दिन मुसलमानले बताए ।

‘हिमनदी संरक्षण’ भन्ने मूल नाराका साथ आज विश्वभर विभिन्न कार्यक्रम गरी मनाउन थालिएको कार्यक्रमले नागरिकमा पानीको संरक्षण र प्रयोग बारे सचेतना प्रवाह गर्ने मायादेवी गाउँपालिकाका वास शाखाका प्रमुख श्याम कुमार बिश्वकर्माको भनाई थियो । पानी शुद्धिरकण तथा पानीजन्य रोग बारे नागरिकस्तरमा सचेतनाका लागी कार्यक्रम प्रभावकारी हुने कार्यक्रमका सहजकर्ता लिडो नेपालद्वारा सञ्चालित पिआरभिसी परियोजनाका संयोजक शरदचन्द्र केसीले बताए । पानीको श्रोत सुक्दा आगजनीको घट्ना बढदै गएको, डिप बोरिगंले पानीको श्रोत प्रभावित भएको, धान र गहुको ठुटोमा आगजनी गर्दा माटोमा कडापना आई पानी कम सोस्ने गरेको केसीले बताए । बढ्दो सहरीकरण, औद्योगीकरण, जलवायु परिवर्तन, वर्षाको ढाँचामा आएको परिवर्तन, अत्यधिक पानीको उपयोगसहितका कैयौँ कारकबाट पानी सङ्कट उत्पन्न भइरहेको सन्दर्भमा दिवशमा आयोजित अन्तरक्रियाले सचेतना प्रवाह गर्ने कार्यक्रममा बताईएको थियो । आगलागी र यसको असरको सम्बन्धमा छलफल गरि सबैले आ आफ्नो स्थानबाट आगलागी न्युनिकरणको लागि भुमिका खेल्नु पर्ने मायादेवी वडा न.८ का वडा अध्यक्ष मुस्तकिम अहमद मुसलमानले बताए । कार्यक्रमका सहभागीले बालीनालीको ठुटामा आगो नलगाउने प्रतिबद्धता जनाएका थिए ।

सन् १९९३ यता हरेक वर्ष २२ मार्चमा मनाइने यो दिवस सुरक्षित तथा स्वच्छ पानीको महत्वमा केन्द्रित संयुक्त राष्ट्रसङ्घको विश्वव्यापी पहल हो । सुरक्षित र स्वच्छ पानी व्यवस्थापनका लागि आवश्यक रणनीति सहितको कदम चाल्न र यसबारे जनचेतना अभिवृद्धि गर्न यो दिवसले सहयोग गर्दै आएको छ ।