खोज

बुटवल,  कार्तिक
पाल्पा जिल्लाको वडा नं ४ स्थित धार्मिक पर्यटकिय स्थल सत्यवती मन्दिरमा यसवर्ष राम्रो जोग परेको छ । कोभिड १९ संक्रमणपछि कै राम्रो तिथि परेको हुदा यसवर्ष धेरै दर्शनार्थीहरु भित्रने आयोजकको दाबी छ । बासको लिगो लिएर चिच्याउदै वर माग्ने मन्दिरको रुपमा परिचय बोकेको धार्मिक मन्दिरमा धार्मिक पर्यटकको घुईचो लाग्ने गर्दछ । सत्यवति मन्दिर ताल संरक्षण विकास समितिका अध्यक्ष दान बहादुर गाहाले आईतबार पत्रकार सम्मेलन गरि मेलाको तयारी पुरा भएको बताएका छन । कार्तिक १८ देखि एकादशीबाट २२ गतेसम्म दर्शन गर्ने राम्रो जोग परेको उनले बताए । यो बेला गरिने पुजा विशेष हुने भएकाले पनि यसको महत्व रहेको उनले बताए । धार्मिक र ऐतिहासिक महत्व बोकेको सो क्षेत्रको संरक्षणका लागि सरकारबाट आवश्यक काम अघि बढेको उनले बताए । परापुर्व कालमा सत्यवति बजैले कुभिण्डोको भाडामा पिउने पानी लिएर हिडेको र सोही क्रममा यहा विश्राम गर्दा पोखिएर आकारको पोखरी पनि कुभिण्डोकै आकार बनेको किवदन्ति रहेको उनले बताए । विगत वर्षभन्दा फरक ढंगबाट मेलाको ब्यवस्थापनमा जोड दिएको उनले बताए। धार्मिक तिर्थस्थलको विकासमा सबैको सहयोग र सहकार्य जरुरी रहने भएकाले पनि यसैअनुरुप काम अघि बढेको उनले बताए । पिउनेपानी, ट्वाईलेटको ब्यवस्थापनसंगै सडकको मर्मत समेत गरिएको उनले बताए । बाजेबजैको मन्दिर र ताल परापुर्वकालमा रहेको थियो । मन्दिरको गुरुयोजना तयार भएर डिपिआर अनुसार पुर्वाधार विकास अघि लगिएको उनले बताए । जहा आकर्षक होम स्टे संचालन, पार्किङ स्थल निर्माणको काम अघि बढाएको उनले बताए । २४ माईलदेखि झुम्सासम्मको सडकमा सवारी चाप देखिने हुदा पनि यसको ब्यवस्थापनमा जोड दिनुपर्ने उनले बताए । होम स्टे संचालनका लागि भनिएको परियोजना मार्फत तालिम, अवलोकन भ्रमणका कामहरु भएपनि थप अघि बढ्न नसकेको उनले गुनासो गरे । डेढ लाख दर्शनार्थीहरु आउने र सो अवधिमा ६ लाख रुपैया भेटिबाट उठ्ने उनले बताए । मन्दिरमा करीब १ सय ५० बढि स्टलहरु राखिने छन । मादक पदार्थ विक्रिवितरण र सेवन रोक्न आवश्यक पहल गर्ने उनले बताए ।
कार्यक्रममा पाल्पा जिल्लाको गहनाका रुपमा चिच्याएर वर माग्ने सत्यवति मन्दिर भएको तिनाउ गाउपालिका अध्यक्ष प्रेम श्रेष्ठले बताए । देशभित्रमात्र नभई छिमेकी देश भारतमा समेत ख्याति कमाएको उनले बताए । मन्दिरसम्म सहजतरिकाबाट धार्मिक पर्यटक भित्र्याउन स्थानिय सरकारको पहल हुने उनले दाबी गरे । मन्दिर दर्शन गर्न चाहने र शारिरिक रुपमा समस्या भएका दर्शनार्थीहरुलाई यसवर्ष सवारी पुग्ने ब्यवस्था गरिने उनले बताए। सडक मर्मत र खोलामा कजबे समेत ब्यवस्था गरेर दर्शन गर्न आउने धार्मिक पर्यटकहरुलाई सहज गराउने उनले बताए । एकतर्फी बाटो खोल्ने तयारी रहेको उनले बताए ।
कार्यक्रममा वडा नं ४ का वडाअध्यक्ष तुल बहादुर आलेले सत्यवति ताल समग्र पाल्पा जिल्ला कै ताल भएको दाबी गरे । नेपाल र भारतबाट समेत धेरै धार्मिक पर्यटकहरु यहाँ भित्रने गरेको उनले बताए । कार्तिक भित्र जोग पर्दा मात्र मेला लगाउने प्रचलन रहेपनि यो वर्ष पुर्णिमामा राम्रो जोग परेको हुदा यसलाई ब्यवस्थित गर्ने कामलाई सबैको सहकार्यमा अघि बढाईने उनले बताए। स्थानिय सरकारको अगुवाईमा प्रदेश र संघ सरकारको सहयोगमा विकास अघि बढेको उनले बताए ।
कार्यक्रममा गाउपालिका उपाध्यक्ष लाल बहादुर थापा, प्रवक्ता यादव प्रसाद अर्याल, वडा नं ३ का वडाअध्यक्ष चित्र बहादुर थापा, नेपाल पत्रकार महासंघ पाल्पाका अध्यक्ष रिखिराम राना, नेपाल पर्यटन पत्रकार महासंघ लुम्बिनीका अध्यक्ष भुवन कार्की, समितिका सचिव लाल बहादुर दर्लामीमगरले सबैको सहकार्यमा धार्मिक पर्यटकिय क्षेत्रको विकास सम्भव हुने बताए ।