सामग्री खोज्नुहोस्

बुटवल, २२ फागुन ।
रूपन्देहीमा चिकित्सक सम्मान तथा अन्तक्र्रिया कार्यक्रम गरि ७५ औ नेपाली चिकित्सक दिवस मनाईएको छ । ‘नेपालीका लागि नेपाली चिकित्सक’ नारासहित मंगलबार माघ ४ गते दिवसको अवसरमा रूपन्देहीमा चिकित्सक पेशमामार्फत योगदान दिएका डा. रामजी चौधरीलाई विशेष सम्मान गरिएको हो ।कार्यक्रमको एक समारोहका बीच लुम्बिनी प्रादेशिक अस्पतालका मेसु डा.ईन्द्र ढकालले उद्घाटन गर्दै चिकित्सकहरूको हकहितमा निरन्तर संस्था लागेको दाबी गरे । सामाजिक र सेवामुलक पेशालाई मर्यादित बनाउनु आजको आवश्यकता भएको उनले बताए । पछिल्लो ३ वर्षको तथ्यांक केलाउँदा ठूलो संख्या चिकित्सकहरू पलायनको अवस्था देखिएको भन्दै उनले नेपाली चिकित्सकलाई नेपालमा नै आत्मनिर्भर गराउने विषयमा सरकार गम्भिर हुनुपर्ने बताए ।कार्यक्रममा नाक, कानघाँटी रोग विशेषज्ञ डा. बिष्णु शर्माले उपचारको क्रममा हुने चिकित्सक र बिरामीका आफन्तबीचमा हुने द्वन्द्व र चुनौती यसका समाधानका विषयमा आफ्नो प्रस्तुति दिँदै नेपालको परिवेशमा चिकित्सकिय सेवा पछिल्लोसमय निक्कै जटिल बन्दै गएको बताए । चिकित्सक र बिरामीबिचमा सम्बन्ध निक्कै संवेदशिल हुने भन्दै उनले एकअर्काको बिचमा पवित्र विश्वास, आदर, सम्बादको कुरा महत्वपूर्ण दिन आग्रह गरे ।
कार्यक्रममा नसा तथा मानसिक रोग विशेषज्ञ डा. विक्रम काफ्लेले मानसिक स्वास्थ्य र चिकित्सकबारे आफ्नो प्रस्तुति दिए । मानसिक स्वास्थ्य अहिलेको सबैभन्दा ठूलो समस्याका रूपमा देखिएको उनले बताए । विश्वमा नै सबैभन्दा जल्दोबल्दो विषय भएको उनी बताउँछन । ‘प्रत्येक ४ जनामा एक जनामा मानसिक समस्या देखिने गरेको छ,’–उनले भने । नेपाल जस्तो देशमा आत्महत्या गर्नेको दर ठूलो रहेको उनले बताए । दैनिक २० जनाले आत्महत्या गर्ने र प्रयास गर्ने खंख्या अझ डरलाग्दो रहेको उनले बताए ।
कार्यक्रममा युनिभर्सल मेडिकल कलेजका प्रिन्सिपल डा. लक्ष्मी पाठक, भिम अस्पालका मेसु डा. सकुन्तला गुप्ता, आम्दा नेपाल बुटवलका मेसु डा. बिनोद पराजुली, संस्थाका उपाध्यक्ष डा. वर्षा थापाले चिकित्सकहरूको क्षमता
यसैबीच संघलाई सबल बनाउन र एकेडेमिक रूपमा अघि बढाउन साईन्टिफिक कमिटि समेत गठन गरिएको छ जसमा डा. सन्तोष पोखरेल, डा. कृष्ण कुमार अग्रवाल, डा. योगेन्द्र अग्रहरी, डा प्रदिप शर्मा र डा. सम्राट पराजुलीको पाँच सदस्यीय टिमलाई प्रमाणपत्र वितरण गरिएको सचिव प्रकाश बस्नेतले बताए । कार्यक्रममा नेपाल मेडिकल एशोसियसन उपाध्यक्ष तथा कार्यक्रमका अध्यक्ष सन्दिप सुवेदीले संस्थागत रूपमा सबल र पेशालाई मर्यादित बनाउने गरि वार्षिक कार्ययोजना अनुसार आफूहरू निरन्तर कार्यहरू गर्दै आएको बताए । संस्थागत रूपमा गोलबन्द भएर चिकित्सकको हकहितमा अग्रसर हुन जरुरी रहेको उनको दाबी छ ।