खोज

भैरहवा, १ भदौ ।

नेकपा (एमाले) निकट राष्ट्रिय युवा संघ, नेपाल क्षेत्रीय कमिटी क्षेत्र नम्बर ३ (क) रुपन्देहीले शनिबार भैरहवामा रक्तदान कार्यक्रम गरेको छ । भैरहवाको बैंकरोडस्थित बुद्ध बजारमा गरिएको कार्यक्रममा ५२ यूनिट रगत संकलन भएको युवा संघ क्षेत्र नम्बर ३ (क) का संयोजक अमित कुमार सेन्चुरीले जानकारी दिए । रगतको अभावमा कसैले पनि ज्यान गुमाउन नपरोस् भन्ने उद्देश्यले कार्यक्रमको आयोजना गरिएको सेन्चुरीले बताए ।

कार्यक्रमको उद्घाटन गर्दै एमाले लुम्बिनी प्रदेश कमिटी सदस्य तथा सिद्धार्थनगर इञ्चार्ज हरि प्रसाद अधिकारीले युवा संघले महत्वपूर्ण कार्य गरेको बताए । उनले युवामा शिथिलता नरहेकोले नेतृत्वमा रहने व्यक्तित्वहरुले युवाहरुलाई प्रोत्साहन गर्नुपर्नेमा जोड दिए । उनले भने, ‘अहिलेको परिस्थितिमा पनि युवा संघले धेरै कामहरु अघि बढाइरहेको छ ।’ सिद्धार्थनगर नगरपालिकाका पूर्व नगरप्रमुख (मेयर) समेत रहेका अधिकारीले पार्टीका तमाम काम युवा संघले गर्नुपर्नेमा जोड दिए ।

त्यस्तै एमाले रुपन्देही जिल्ला कमिटी सदस्य तथा युवा संघ लुम्बिनी प्रदेश कमिटी सदस्य कृष्ण मल्ल ठकुरीले रगतको अभाव हुन नदिन कार्यक्रमको आयोजना गरिएको बताए ।

नेपाल रेडक्रस सोसाईटी रुपन्देहीको प्राविधिक सहयोग र बि.के. ज्वेलर्स बैंकरोड, भैरहवाको प्रायोजनमा कार्यक्रम भएको युवा संघ रुपन्देही जिल्ला सचिवालय सदस्य तथा सिद्धार्थनगर इञ्चार्ज विशाल श्रेष्ठले बताए । आगामी दिनमा पनि रक्तदान कार्यक्रमलाई निरन्तरता दिदै जाने युवा संघ सिद्धार्थनगरका अध्यक्ष प्रविन आचार्यले बताए ।

युवा संघ नेपाल रुपन्देही सचिवालय सदस्य सम्झना के.सी. थापा लगायतले मन्तब्य राखेका थिए ।चद