खोज

पाल्पा, २४ जेठ ।

महालेखा परिक्षकको कार्यालयले पाल्पा जिल्लाका दस स्थानीय तहको लेखा परिक्षणको नतिजा सार्वजनिक गरेको छ । मलेनिकाको नतिजा अनुरुप सबै भन्दा कम बेरुजू तिनाउ गाउँपालिका र सबै भन्दा बढी पुर्वखोला गाउँपालिकालाई औल्याएको छ ।

लेखा प्रणाली अनुरुप ऐन कानुन अनुरुप खर्च नगर्ने प्रवृत्तिलाई वेरुजु भन्ने गरिन्छ । यसरी सबै भन्दा कम तिनाउ गाउँपालिकालाई ६९ लाख २७ हजार वेरुजु औंल्याएको छ भने सबै भन्दा बढी पुर्वखोला गाउँपालिकाको ७ करोड १७ लाख ,२५ हजार रुपैया ५. ७४ प्रतिशत वेरुजु औल्याएको छ ।

निस्दी गाउँपालिका ५ करोड ८ लाख ६६ हजार ३.३३ प्रतिशत वेरुजु सार्वजनिक गरेको छ । दस स्थानीय तह मध्ये अधिकांश तलव, भत्ता , गोष्ठी जस्ता र पुरा नगराई उपभोक्ता समितिलाई भुक्तानी गरेको भन्दै वेरुजु औल्याएको हो । यसरी प्रकृया पुरा नगरी खर्च गर्नेमा माथागढी गाउँपालिकाको ४ करोड ११ लाख ९४ हजार, रभ्भा गाउपालिकाको २ कराृेड ३८लाख, ५४ हजार , तानसेन नगरको ३ कारोड २लाख ३३ हजार , रामपुर नगरको १ करोड १६ लाख,९४ हजार, रैनादेवी गाउपालिकाको १ करोड ४३ लाख३४ हजार, रिब्दीकोट गाउपालिकाको ९३ लाख ८६ हजार र वगनासकाली गाउपालिकाको ९८ लाख ७९ हजार रुपैया वेरुजु रहेको औल्याएको छ ।

वेरुजुलाई कम गर्न स्थानीय निकायलाई पटक पटक सम्बन्धित निकायले तालिम उपलब्ध गराए पनि त्यसको प्रभावकारी परिणाम आउन नसक्नु भनेको सुशासन कायम हुन नसक्नु हो । जनप्रतिनिधी दलीय स्वार्थमा लिप्त हुँदा कागजी प्रकृया पुरा हुदैन । कर्मचारीले जनप्रतिनिधिको दवावमा काम गर्दा बेरुजुको रकम बढ्दै गएको स्थानीय तहका कर्मचारीहरु बताउँछन् ।