© २०२३
२८ भाद्र २०८१, शुक्रबार
२८ भाद्र २०८१, शुक्रबार
बुटवल, २७ चैत ।
यातायात मजदूर तथा व्यवसायी भलाई कोषले आफ्नो स्थापनाको ५० वर्ष पार गरेको छ । ५० वर्ष पूरा भएको अवसरमा कोषले आफ्नो स्वर्ण महोत्सव ३ दिवसीय कार्यक्रमसहित मनाउन लागेको छ ।
२०३१ सालमा स्थापना भएको भलाई कोष अहिले देशैभर शाखा सञ्जाल बिस्तार गर्न सफल भएको छ । “मुलुकका ७ वटा प्रदेश मध्ये सुदूरपश्चिमबाहेक अन्य ६ वटै प्रदेशमा भलाई कोषका शाखा स्थापना भएका छन्, ती शाखाहरुले यातायात व्यवसायी र मजदूरको हितमा काम गर्दै आएका छन्”–कोषका अध्यक्ष दिनेश फुल्लेलले भने ।
सिद्धार्थ यातायात मजदुर भलाई कोषको नाममा स्थापित संस्थामा स्थापना कालमा १ जना कर्मचारी, २ शाखा, वार्षिक बजेट करिब ८–९ हजार थियो । हालसम्म आइपुग्दा ६ प्रदेशका २६ स्थानमा शाखा स्थापना भएको र प्रधान कार्यालयमा समेत गरी ६४ जना कर्मचारीले दैनिकी कार्यसम्पादन गरिरहेको उनले बताए ।
भलाई कोषले २०५५ सालमा २५ वर्ष पुगेको उपलक्ष्यमा रजतजयन्ती मनाएको थियो । कोषले दुर्घटनामा परी अंगभंग भएका यातायात मजदुरहरुलाई मासिक .२२ सय रुपियाँ पेन्सनको व्यवस्था गरेको छ भने उमेरको हदबन्दी पुगेका सवारी चालकको अनुमतिपत्र नवीकरण नभएका, परिचयपत्र मासिक नविकरण गरिरहेका सवारी चालकलाई एकमुष्ट ५ हजार रुपियाँ दिई सम्मान गर्दै आएको छ । यातायात मजदुरका छोरा छोरीलाई पठन–पाठनको लागि छात्रवृत्तिको व्यवस्था गरिंदै आएको अध्यक्ष फुल्लेलले बताए । यातायात मजदुरको मृत्यु भएमा एकमुष्ट आर्थिक सहयोग गरिंदै आएको र परिचय पत्र नविकरण भएका साधारण सदस्यहरुलाई सामान्य औषधि उपचार वापत ४ हजार रुपियाँ र अप्रेशन गर्नुपर्ने भएमा थप ८ हजार रुपियाँ दिने व्यवस्था गरिएको छ । कोषले एकवर्ष नियमित कोष शुल्क बुझाएका सवारी धनीको २ लाख रुपियाँसम्मको दुर्घटना बीमा गरिएको छ । भलाई कोषले बिमा कम्पनीसँग सम्झौता गरी दुर्घटनापछिको आर्थिक क्षति व्यहोर्दै आइरहेको छ । “हामीले सवारी दुर्घटना न्युनीकरण गर्न ट्राफिकसंग हातेमालो गरेर दुर्घटना न्यूनिकरण प्रशिक्षण पनि गर्दै आएका छौं”–उनले भन् ।
© २०२३
सर्वाधिकार सुरक्षित
Design & Developed By:
