© 2026
७ कार्तिक २०८३, शनिबार
७ कार्तिक २०८३, शनिबार
नवलपुर । नारायणघाट–बुटवल सडक विस्तारका क्रममा वन्यजन्तुमैत्री संरचनाको अभाव हुँदा सडकमा सवारीसाधनको ठक्करबाट वन्यजन्तु मर्ने घटना दोहोरिन थालेका छन्। नवलपुरको दुम्किबासस्थित विनयी पुल नजिक सवारीसाधनको ठक्करबाट एक मृगको मृत्यु भएको छ।
वन्यजन्तु ओहोरदोहोर गर्ने क्षेत्रमा पर्ने सडकमा सवारीसाधनको ठक्करबाट मृगको मृत्यु भएको हो। सडक विस्तारसँगै वन्यजन्तुको सुरक्षित आवागमनका लागि आवश्यक संरचना निर्माणमा पर्याप्त ध्यान नदिँदा वन्यजन्तु दुर्घटनाको जोखिम बढेको देखिन्छ।
नारायणघाट–बुटवल सडक खण्ड वन क्षेत्रसँग जोडिएका विभिन्न स्थानबाट गुज्रने भएकाले वन्यजन्तु सडक वारपार गर्ने क्रममा दुर्घटनामा पर्ने जोखिम रहन्छ। वन्यजन्तुमैत्री सडक संरचना, सुरक्षित आवागमन मार्ग तथा आवश्यक संकेतको व्यवस्था नहुँदा वन्यजन्तु सवारीसाधनको ठक्करमा पर्ने समस्या दोहोरिने गरेको छ।
वन्यजन्तुको संरक्षणका लागि सडक विस्तारसँगै उनीहरूको प्राकृतिक आवागमनलाई ध्यानमा राखेर आवश्यक संरचना निर्माण गर्नुपर्ने देखिन्छ। वन क्षेत्र आसपासका सडकमा सवारीको गति नियन्त्रण र चालकको सतर्कताले पनि यस्ता दुर्घटना न्यूनीकरणमा महत्त्वपूर्ण भूमिका खेल्न सक्छ।
© 2026
All rights reserved.
Design & Developed By:
