खोज

बुटवल, १० चैत ।

बुटवलमा केन्द्रीय कार्यालय रहेको इन्द्रेणी बहुउद्देश्यीय सहकारी संस्था लिमिटेडले आफ्नो २९ औं स्थापना दिवसको अवसरमा संस्थागत सामाजिक उत्तरदायित्व अन्तर्गत विविध कार्यक्रम गरी मनाएको छ ।

सहकारीले आफ्नो सामाजिक उत्तरदायित्व अन्तर्गत रहेर बुटवलको निलकण्ठ बाबाधाममा आर्थिक सहयोग, तिलोत्तमाको शान्ति नमुना माविमा अक्षयकोषमा नगद सहयोग गर्नुका साथै रक्तसञ्चार केन्द्र बुटवलको प्राविधिक सहयोगमा रक्तदान कार्यक्रम गरी ४० पिन्ट रगत जम्मा गर्न सफल भएको कोषाध्यक्ष कृष्णप्रसाद अर्यालले जानकारी दिए ।
शनिबार सम्पन्न भएका विभिन्न कार्यक्रमलाई औपचारिक रुपमा सम्बोधन गर्दै संस्थाका अध्यक्ष कृष्णप्रसाद अर्यालले वर्तमान समयमा सहकारी अभियानमा समस्या उत्पन्न भएको भएता पनि यो संस्थामा कुनै पनि प्रकारको समस्या नभएकोले शेयर सदस्य तथा बचतकर्तालाई निश्चिन्त रहन अनुरोध गरेका थिए ।

संंस्थाका संस्थापक अध्यक्ष तथा संरक्षक भूपाल कुमार श्रेष्ठले कार्यक्रमको उदघाटन गरेका थिए । त्यस अवसरमा सहकारीले सामाजिक दायित्व अन्तर्गतका गतिविधि गरेकोमा प्रशंसा गर्दै आगामी दिनमा पनि यस्ता कार्यक्रम गर्दै जान हौसला प्रदान गरेका थिए ।

कार्यक्रममा उपाध्यक्ष माया गौतमले कार्यक्रमको उद्देश्यबारे प्रकाश पारेकी थिइन् भने कृष्णप्रसाद अर्यालले पनि आफ्नो धारणा राखेका थिए ।