खोज

लुम्बिनी, १८ फागुन ।

रुपन्देहीको लुम्बिनी साँस्कृतिक नगरपालिका वडा नम्बर ८ को आयोजनामा गाउँ बस्ती, सफा र सुन्दरताको स्थानीयसँग २ दिने अन्तक्र्रिया कार्यक्रम सम्पन्न भएको छ ।

गाउँ टोल बस्तीलाई सफा र सुन्दर कसरी बनाउने भन्ने बिषयमा स्थानीयहरुबीच अन्तक्र्रिया कार्यक्रममा वडा नम्बर ८ वडा अध्यक्ष राजेन्द्र जैसवालले आफ्नो गाउँ बस्ती सफा र सुन्दर बनाउन सबै वडाबासीको कर्तब्य रहेको बताए । उनले जथाभावी फोहोर फालेमा गाउँ बस्ती कुरुप देखिदै जाने बताए ।

घरबाट निस्कने फोहोरमैलाहरुलाई उचित स्थानमा राख्नु पर्ने, समय समयमा सबैले सर्वजनिका ठाउँहरुको सडक, पोखरी, धारा, नालीको सरसफाई गरी आफ्नो टोलका सबै मानिसहरुको सहभागिता र लगनशील हुन जरुरी देखिएको उनले बताए । अन्तक्र्रियाबाट वडाबासीहरुलाई जनचेतना फैलाउने र चनाखो बनुन भन्ने उद्देश्यले यस्ता किसिमका कार्यक्रमलाई निरान्तरता दिने उनले बताएका छन् ।

कार्यक्रममा अन्जना चौहान, वास शाखा प्रमुख शेषराम यादव, वडा सचिव नारायण अचार्य, इलाका प्रहरी लुम्बिनीका निरिक्षक कन्चन तमाङ्ग, लुम्बिनी ट्राफिक प्रहरी कार्यालय पर्साका निरीक्षक युराज शेन, प्रशिक्षक रुबिना थापा, पशुपति यादव लगायतले मन्तव्य व्यक्त गरेका थिए ।