© २०२३
३० माघ २०८१, बुधबार
३० माघ २०८१, बुधबार
बुटवल, १६ फागुन ।
पेशागत महासंघ नेपाल रुपन्देहीले देवदह नगरपालिकामा जनप्रतिनिधिबाटै कार्यालय प्रमुखमाथि भएको हातपात, कार्यालय तोडफोड, तालाबन्दी जस्ता अमानवीय क्रियाकलापप्रति गम्भीर ध्यानाकर्षण भएको जनाएको छ ।
लोकतान्त्रिक पद्धति अनुरुप कार्यपालिकाले गरेको निर्णय कार्यान्वयन गर्ने मुख्य दायित्व बोकेको कार्यालय प्रमुख तथा कर्मचारीमाथि स्थानीय सत्तापक्ष र प्रतिपक्ष रजनीतिक दलहरुबीचको बेमेल र मनमुटाव पोखिनु दुःखद रहेको महासंघले जनाएको छ ।
महासंघ रुपन्देहीका अध्यक्ष राजीव अर्याल र सचिव बुद्धिप्रसाद ज्ञवालीद्वारा जारी विज्ञप्तीमा दलहरुबीचको मतभेदलाई छलफल, संवाद र वार्ताबाट सहमतिमा जानु अपरिहार्य भएपनि स्वयं जनप्रतिनिधिबाटै कर्मचारीलक्षित अमर्यादित गतिविधि हुनु आफैमा लज्जाजनक र अकल्पनीय रहेको उल्लेख छ ।
राष्ट्रसेवकमाथि भएका यस्ता क्रियाकलापप्रति विज्ञप्तीमार्फत खेद प्रकट गरिएको छ । महासंघले विज्ञप्तीमा काम गर्ने सुरक्षित वातावरण निर्माण गर्न र यस्ता क्रियाकलापमा संलग्नमाथि कानुनी कारवाही गर्न माग गरेको छ ।
© २०२३
सर्वाधिकार सुरक्षित
Design & Developed By:
