खोज

दाङ,७ फागुन ।

राससले सबैको बिश्वास लियर अगाडि बढ्नुपर्ने लुम्बिनी प्रदेशका अर्थमन्त्री मास्कीले बताएका छन । राष्ट्रिय समाचार समिति ( रासस) को ६३ औ स्थापना दिवसका अबसरमा दाङको तुलसीपुरमा आयोजना गरिएको जिम्मेवार पत्रकारिता र राससको भूमिका विषयक अन्तरक्रिया कार्यक्रममा लुम्बिनी प्रदेश अर्थमन्त्री धनबहादुर मास्कीले यस्तो धारण राखेका हुन् ।

मन्त्री मास्कीले सरकार र जनताको पुलको काम पत्रकारले गर्ने बताए । उनले राससको सेवालाई गाउँ गाउँमा लैजान र सबैको बिश्वास लियर अगाडि बढन आग्रह गरे । जिल्ला सम्बादाताले उल्लेख्य काम गरेकोमा प्रसंशा गरे । प्रदेश सरकारले गर्नुपर्ने सहयोग सधैं रहने प्रतिबद्धता समेत जनाएका छन् । राससको लुम्बिनी प्रदेशको कार्यालय दाङमा स्थापना गर्नका लागि सकारात्मक पहल गर्ने मन्त्री मास्कीले बताए ।

दाङका प्रमुख जिल्ला अधिकारी रामबन्धु सुबेदीले रासस समयमानुकुल अग्रणी सस्था भएको बताए । राससले सेवाहरु थप्दै लगेको र कार्यरत संचारकर्मीलाइ पनि क्षमताबान बनाउदै लैजानुपर्ने बताए । खोज र अनुसन्धान मुलक पत्रकारिता अहिलेको आवस्यकता रहेको बताए । पत्रकारले पेशागत मूल्य र मान्यतालाई कायम राख्नुपर्ने उनको जोड थियोे ।

नेपाल पत्रकार महासंघ दाङका अध्यक्ष दुर्गालाल केसीले मिडिया साक्षरताको विषयमा दाङमा बहस भइरहेको बताए । क्यामरा र बुम बोक्दैमा कोही पत्रकार नहुने भन्दै उनले सचेत नागरिकले सही गतल छुट्टाउन आवस्यक रहेको बताए । नागरिकले कस्तो सूचना प्रयोग गर्ने र कस्तो सूचना प्रयोग नगर्ने भन्ने विषयमा चनाखो हुनुपर्ने बताए ।

पत्रकार महासंघका दाङका निबर्तमान अध्यक्ष सुदिप गौतमले राससले जनताको प्रतिनिधित्व गरेको र तथ्यमा आधारित समाचार प्रशारण हुने बताए । पछिल्लो समय जिल्ला सम्बादाताका कारण गाउँघरका कुरा र काम मुलधारका संचार सस्थामा आउने गरेको बताए ।

तुलसीपुर उद्योग बाणिज्य संघको अध्यक्ष रामप्रसाद चालिसेले तुलसीपुरको एरपोर्टका बारेमा सबैले कलम चलाउन आग्रह गरे । राम्रो कामको लागि राम्रो र नराम्रोको लागि पनि केही डर नमानी कलम चलाउन आग्रह गरे।

तुलसीपुर उपमहानगरपालिका -१२ का अध्यक्ष खुशीराम चौधरीले पछिल्लो चरणमा राम्रा विषयमा प्रसंसा गर्ने बानी नभएकोले सबैले सही र तथ्य कुराको प्रससा गर्नुपर्ने बताए । राससमा प्रकाशन भएका सामाग्री किसान मजदुरको भासा बोल्नुपर्ने बताए ।

सो कार्यक्रममा नेपाली काङ्ग्रेस तुलसीपुर नगर सभापति सुरेश हमालले मिडिया खोल्नु भन्दा पहिले संचालकले राम्रोसँग सोचेर बिचार गरेरमात्र खोल्न आग्रह गरे । प्रेस युनियनका केन्द्रीय उपमहासचिब सुलोचना गौतम, युबा महिला उद्यमी सपना बस्नेत ,ज्येष्ठ नागरिक सरोकार केन्द्र लुम्बिनी प्रदेशका अध्यक्ष खुमानन्द अधिकारी , राप्तीमा मानव सेवा आश्रय तुलसीपुरका प्रमुख हिरु जोसी,तुलसीपुर उद्योग बाणिज्य संघका निबर्तमान अध्यक्ष डिल्ली बहादुर बस्नेत ,प्रेस युनियन दाङका अध्यक्ष नारायण खडका, प्रेस चौतारी दाङका अध्यक्ष प्रेमबहादुर राम्जालगायतले शुभकामना दिएका थिए । रासस दाङ प्रमुख नारायणी रजौरेको अध्यक्षतामा भएको कार्यक्रमको सहजीकरण दिपक बोहराले गरेका थिए ।