खोज

बुटवल, १८ कार्तिक।  बुटवल फर्निचर उद्योग संघको २३ औ वार्षिक साधारण सभा तथा १२ औ अधिवेशन शनिबार बुटवलमा सम्पन्न भएको छ । कार्यक्रमको एक समारोहका बिच नेपाल फर्निचर तथा फर्निसिङ ब्यवसायी महासंघका सुजिल श्रेष्ठले उद्घाटन गर्दै फर्निचर उद्योगीहरुको हकहितमा संस्थागत रुपमा गोलबद्ध भएर लाग्नुपर्ने बताए । फर्निचर उद्योगीहरुलाई कच्चा पदार्थको टेन्डरमा देखिएको समस्या समाधान गर्न केन्द्रबाट सरकारलाई दबाबको कार्यक्रम चलाएको बताए । स्वदेशी वनमै रहेका कच्चा पदार्थको गोलिया काठ टेन्डर र गोलिया चिर्न रोक लगाएको विषयलाई समाधान गर्ने प्रतिवद्धता सरकारबाट आएको उनले जानकारी दिर्ए । तयारी माल आयात गर्नेभन्दा कच्चा पदार्थ ल्याउदा भन्सार शुल्क बढि लाग्ने नीतिकै कारण स्वदेशी उद्योग धरासायी भएको भन्दै खुला बजारकै कारण तयारी फर्निचर विदेशबाट ल्याउन रोक्न नसकिने भएपनि यस्ता बस्तुमा लाग्ने कर र ड्युटिहरु बढाएर स्वदेशी उद्योगलाई प्रोत्साहन गर्ने गरि सरकार लाग्न उनले सुझाव दिए ।

कार्यक्रममा संघका अध्यक्ष सावित्रा टण्डनले संस्थाको वार्षिक प्रगति विवरण प्रस्तुत गर्दै फर्निचर उद्योगमैत्री नीति अभावमा स्वदेशमा खेर गईरहेको ठूलो परिणामको काठजन्य बस्तु उपयोग विहिन रहेको दाबी गरे । फर्निचर ब्यवसायीहरुको हकहितमा सरकारको ध्यान तान्ने र दबाब दिनेमात्र नभई उद्योगी, ब्यवसायीहरुको क्षमता विकासको अभियान चलाउदै आएको बताईन । वनको कच्चा पदार्थको टेन्डर विधि नसच्चिदा यसले उद्योगीहरुलाई स्वदेशको वनमा रहेको कच्चा पदार्थ प्रयोग गर्न नपाएको पिडा छ । अर्को तर्फ महङो दरमा विदेशबाट कच्चापदार्थ ल्याउनुपर्ने बाध्यता आफुहरुलाइ रहेको उनले दुखेसो गरिन । स्वदेशी उद्योगलाई धरासायी गर्ने गरि अस्वस्थ्य प्रतिप्रर्स्धामा उत्रेका झोले ब्यापारीहरु खुलेआम बजारमा छन । सरकारबाट फर्निचर उद्योगी मैत्री नीति तथा कार्यक्रम ल्याउन उनले आग्रह गरिन । दक्ष जनशक्ति उत्पादन गर्न विद्यालयस्तरबाट नै पाठ्यक्रम बनाउनुपर्ने उनले बताईन ।

कार्यक्रममा बुटवल उपमहानगरपालिका वडा नं १३ का वडाअध्यक्ष रामचन्द्र क्षेत्रीले संस्थामा धेरै नेतृत्व परिवर्तन भएपनि उद्योगी ब्यवसायीहरुको समस्या जस्ताको तस्तै रहेको दुखेसो गरे । नेतृत्वमा दक्ष युवाहरुको अगुवाई जरुरी रहेको भन्दै उनले विदेशी उत्पादन अनुसारको मूल्य र गुणस्तरमा जोड दिनुपर्ने उनले सुझाव दिए । स्थानिय सरकार घुमन्ते उद्योगीहरुलाई ब्यवस्थापनको काम आफुहरुले गरिरहेको उनले बताए ।

कार्यक्रममा ईलाका प्रहरी कार्यालय बुटवलका प्रमुख प्रहरी नायव उपरिक्षक दान बहादुर थापाले बनेको नीतिलाई कार्यान्वयन गर्न सबै साझेदार संस्थाहरुको सहकार्य जरुरी रहेको बताए । स्वउद्घमताको कुरा परनिर्भरता कम गर्ने र आफुमा भएको सीप कलालाई स्वदेशमा लगाउने गरि साझा जिम्मेवारी र भुमिकामा रहनुपर्ने उनले बताए । अहिले हामीमा सदभावको कमि समस्या देखिएको भन्दै अतिबादकै कारण धेरै कठिनाई हुनेभन्दै यसलाई रोक्ने गरि अघि बढ्न सुझाव दिए ।

रुपन्देही उद्योग संघका निवर्तमान अध्यक्ष माधव प्रसाद पौडेलले फर्निचर उद्योगीहरुमा देखिएको समस्या नितिगत रुपमा नै समाधान गर्ने गरि अघि बढ्नुपर्ने बताए । ‘बिना दर्ता समस्या पुस्तान्तरण भएका छन ।’—उनले भने । नेपाल सरकारले टेन्डर प्रक्रियामा आवह्वान गर्दा नेपाली बस्तुहरुलाई तालिकिकरण गरेर अघि बढ्नुपर्ने सुझाव दिदै आएको जसले गर्दा नेपाली उद्योगलाई प्रवर्द्धन हुने बताए । ‘मेकिङ नेपाल’ नारासहित स्वदेशी उत्पादनलाई प्रोत्साहन गर्दै आर्थिक रुपमा सबल बन्ने गरि अभियान समेत अघि बढाएको उनले बताए ।

कार्यक्रममा संघका पुर्वअध्यक्ष विष्णु कुमार श्रेष्ठले धेरै संस्थाहरु महिलालाई नेतृत्व दिन कन्जुस्याइँ गरिरहदा आफुहरु जिल्लामा अन्य संस्थालाई उदाहरण दिन सफल भएको बताए । धेरै लामो ईतिहास पार गर्दै संस्था बलियो र सबल भएको उनले बताए । राजनीतिक ब्यवस्था परिवर्तनबाट आर्थिक समृद्धि हुने सोच गलत साबित भएको उनको तर्क थियो । हामी ब्यापारीहरुले तयारी सामग्री भित्र्याउने कामकै कारण अहिलेको अवस्था सृजना भएको उनले दुखेसो गरे । ‘जिल्ला वन कार्यालयले टेन्डर एकलौटी गर्नु गलत हो ।’— उनले भने ।

कार्यक्रममा संघका प्रथम उपाध्यक्ष तेजप्रसाद पराजुलीले उद्योग र उद्योगीको समस्या पहिचान गर्दै ब्यवसायिक हकहितको लागि अघि बढ्ने लक्ष्यसहित संस्था निरन्तर लागेको बताए । कार्यक्रममा संघका द्घितिय उपाध्यक्ष जिवकान्त काफ्ले, महासचिव असोक कुवर, संघका सचिव बल बहादुर गोदारले सरकारी कार्यालयहरुमा स्वदेश उत्पादन प्रयोग गर्न निर्देशन गरेर भएपनि आत्मनिभर उद्योग बनाउने अभियान थाल्न सुझाव दिए ।

कार्यक्रममा बुटवल उद्योग वाणिज्य संघका सचिव मुक्ति अधिकारी, नेपाल घरेलु तथा साना उद्योग महासंघ रुपन्देहीका कार्यावाहक अध्यक्ष मन्जु भुषाल, ग्रिल तथा स्टिल ब्यवसायी संघका अध्यक्ष मोहन प्रसाद भट्टराई, संघका सल्लाहकार बोनिन पिया, नेपाल वन पैदावर तथा उद्योग संघका उपाध्यक्ष हरि खत्री, पत्रकार दामोदर खनालले नीतिनियमलाई कार्यान्वयनमा जोड दिदै जिम्मेवार र अनुसासित भएर काम गर्न उद्योगीहरुलाई सुझाव दिए । रुपन्देही जिल्लामा १ हजार ५ सय उद्योगहरुमा ७ हजार ५ सय जना युवाहरु रोजगार पाएका छन । ६० प्रतिशत भारतिय रोजगारमा छन । देशका सामुदायिक र सरकारी वनबाट १० करोड र नीजि वनबाट २ करोड गरि १२ क्युफिट काठ उत्पादन हुन्छ। देशमा भने जम्मा ३ करोड क्युफिट खपत हुन्छ। सरकारी कार्यालयहरुमा स्वदेशी उद्योगको प्रयोगलाई प्रोत्साहन गरे पाच वर्षमा आत्मनिर्भर बन्न सक्छ । संघमा हाल २ सय उद्योगीहरु आवद्घ छन । यसैबिच फर्निचर ब्यवसायीहरुको हकहितमा संचार क्षेत्रबाट गरेको योगदान स्वरुप संघका प्रेस सल्लाहकार दामोदर खनाललाई नगद ११ हजार १ सय ११ रुपैयासहित सम्मानपत्रबाट सम्मान गरिएको छ ।