खोज

लमही, १२ भदौ ।

लुम्बिनी प्रदेश सरकारका अर्थमन्त्री धनबहादुर मास्कीले छिटै सरकारले पूणर्ता पाउने बताएका छन् । देउखुरीमा पत्रकारहरुसंग कुरा गर्दै मन्त्री मास्कीले यस्तो बताएका हुन् । “सरकार विस्तारका कुरामा हामी गम्भीर भएर अगाडि बढिरहेका छौं”,उनले भने, “सरकारमा सहभागी गठबन्धन दलहरुका बीचमा आबश्यक छलफल भइरहेको छ, अबको केही दिनमै सरकारलाई पूणर्ता दिदैछौं ।”

सरकार गठन भएको चार महिनासम्ममा पनि सरकारले पूर्णता पाउन सकेको छैन । मुख्यमन्त्री डिल्ली चौधरी गएको बैशाख १४ गते मुख्यमन्त्रीमा नियुक्त भएका थिए । त्यस यता दुई पटक मन्त्रीपरिषद विस्तार भएपनि अझै सबै मन्त्रालयले मन्त्री पाउन सकेका छैनन् ।

जसले गर्दा अझै पनि तीन मन्त्रालय मन्त्री विहीन छन् । मुख्यमन्त्री डिल्लीबहादुर चौधरीले नै उद्योग, खानेपानी र वन मन्त्रालयगरी तीन वटा मन्त्रालय आफै सम्हालेका छन् ।

अहिले लुम्बिनीमा मुख्यमन्त्रीसहित ७ सदस्यीय मन्त्रिपरिषद छ । अब माओवादीका २ र काँग्रेसका २ जना मन्त्री थपिने गरी सहमति छ । जसमा माओवादी केन्द्र संसदीय दलको बैठकले कृष्णा केसी र दिपेन्द्र पुनलाई मन्त्रीको रुपमा नाम सिफारिस गरेको छ । वर्तमान सरकारमा कांग्रेसका दुई र माओवादी, लोकतान्त्रिक समाजवादी, जनता समाजवादी, नागरिक उन्मुक्ति, जनमत पार्टीका एक÷एक जना मात्रै मन्त्री छन् ।