खोज

बुटवल, ३० साउन ।

नेपाल निजामती कर्मचारी संगठन रोहीणी गाउँपालिकाको पालिका समितिमा बुद्धिप्रसाद पन्तको अध्यक्षतामा ११ सदस्यीय नयां नेतृत्व चयन भएको छ ।

जसको उपाध्यक्षमा ओमप्रकाश ठाकुर, महिला उपाध्यक्षमा धनकुुमारी पाण्डे, सचिवमा आनन्दलाल कर्ण, सह सचिवमा ओमप्रकाश यादव, कोषाध्यक्षमा ताराप्रसाद गैरे रहेका छन् । त्यस्तै सदस्यहरुमा उदयराज अधिकारी, राामवृक्ष नाउ, प्रयागराज शर्मा, गंगाप्रसाद लोनिया र सुनिता मल्लाह निर्विरोध निर्वाचित भएको नेपाल निजामती कर्मचारी संगठन रुपन्देहीका अध्यक्ष प्रेम प्रसाद खनालले जानकारी दिए ।

सम्पूर्ण निर्वाचितहरुलाई नेपाल निजामती कर्मचारी संगठनका केन्द्रीय सचिवालय सदस्य काशिराम आचार्यले पद तथा गोपनियताको सपथग्रहण गराएका थिए ।

त्यस अवसरमा बोल्दै केन्द्रीय सचिवालय सदस्य आचार्यले संगठनले सेवा प्रवाहलाई थप चुस्त दुरुस्त बनाउँदै कर्मचारीको हक र हितको लागि कानून सम्मत तरिकाले सामूहिक सौदावाजी गर्न उल्लेख्य भूमिका खेलोस् भन्दै निर्वाचित पदाधिकारी तथा सदस्यहरुलाई सफल कार्यकालको शुभकामना व्यक्त गरे ।

संगठनका केन्द्रीय सदस्य एवं रुपन्देही ईन्चार्ज नारायण प्रसाद भण्डारीले संगठनको ईतिहासदेखि हालसम्मका गतिविधिका सम्बन्धमा चर्चा गर्दै यो संगठन सवै सेवा समूह र सवै तहका सवैखाले कर्मचारीहरु माउ संगठनका रुपमा स्थापित भएकोले सवैको असल अभिभावकको भूमिका निर्वाह गर्न सक्ने संगठनको रुपमा स्थापित होस् भन्दै शुभकामना दिए ।

कार्यक्रममा नेपाल निजामती कर्मचारी संगठन रुपन्देहीका अध्यक्ष प्रेम प्रसाद खनालले कर्मचारीको क्षमता विकासको लागि स्थानीय सरकारसँग सामूहिक सौदावाजी गर्ने केन्द्रीय टिम भएको बताउँदै कर्मचारीको हकहितका साथै सेवा प्रवाहमा समेत संगठनले सधै अग्रपंक्तिमा रहेर काम गर्ने बताए ।

नव निर्वाचित पालिका समितिका अध्यक्ष वुद्धिप्रसाद पन्तले सेवा प्रवाहलाई चुस्तदुरुस्त पार्दै कर्मचारी हकहितमा सदैव लाग्ने प्रतिवद्धता व्यक्त गरेका थिए भने संगठनका जिल्ला सल्लाहकार भास्कर आत्रेय, जिल्ला सदस्य राजकुमार मिश्र, प्रेम बहादुर के.सी. लगायतले कार्यक्रमको सहजीकरण गरेका थिए ।

कार्यक्रममा संगठन रुपन्देहीका सचिव जीवन पौडेल, ककोषाध्य पदम थापाले पनि निर्वाचित पालिका समितिको सफल कार्यकालको शुभकामना व्यक्त गरेका थिए ।

रुपन्देहीमा जिल्लामा नेपाल निजामती कर्मचारी संगठनले सशक्त रुपमा आफ्ना गतिविधि संचालन गर्दै अग्रणी संगठनको रुपमा आफ्नो पहिचान बनाएको दावी गर्दै आएको छ ।