खोज

चन्द्राैटा(कपिलवस्तु), २० असार ।

बिजयनगर गाउँपालिकाका कर्मचारी आन्दोलनमा उत्रिएका छन् । पालिकाका सब-इन्जिनियर शिव कुमार बढई माथि दुर्व्यवहार भएकाेभन्दै कर्मचारी आन्दोलनमा उत्रिएका हुन् ।

कर्मचारीहरुले बुधबार हातमा कालाेपाट्टी बाँधेर नाराबाजी गर्दै पालिकाकाे कार्यालय अगाडि आन्दोलन गरेका छन् ।

आन्दोलनरत कर्माचार्यले गाउँपालिकाकाे अति आवश्यक सेवा बाहेक सबै सेवा प्रवाह समेत ठप्प गरेका छन् ।

कालोपत्रे सडक निर्माण गर्ने क्रममा इन्जिनियर बढईलाई अभद्र शब्द, गालीगलाैज गरि हातपातसमेत गर्न खाेजिएकाे भन्दै कर्मचारी अन्दाेलनमा उत्रिएकाे जनाइएको छ ।

नेपाल निजामती कर्मचारी संगठनका अध्यक्ष हरिहर बेल्बासेका अनुसार वडा नम्बर-३ स्थित मिलनचाेकदेखि अमलहवा जाेड्ने सडक कालाेपत्रे अनुगमन जाँदा सब- इन्जिनियर बढईमाथि अभद्र व्यवहार भएकाे थियाे ।

गत मंगलबार दिउँसो करिब ३ बजे बढईले सडक निर्माणका क्रममा जाँदा स्थानीय दिनानाथ चाैधरीकाे नेतृत्वमा कल्हैया लाल चाैधरी सहितकाे समूहले बढईलाई दुर्व्यवहार भएकाे दावी गरिएको छ । कर्मचारीमाथि भएकाे दुर्व्यहार निन्दनीय भन्दै दाेषीलाई कारवाहीकाे मागसमेत गरेका थिए ।

यता पालिका अध्यक्ष गाेपाल बहादुर थापाले कर्मचारीलाई काममा फर्कन आग्रह गर्दै घटनाबारे छलफल गरि घटनाको प्रकृति हेरी टुङ्गो लगाउने बताए । यस्तै दाेषी फरार रहेकाे बताउँदै घटनाबारे थप अनुसन्धान भइरहेको ईलाका प्रहरी कार्यालय गणेशपुरले जनाएकाे छ ।