खोज

चन्द्रौटा(कपिलवस्तु),  चैत – छोराछोरी ठूला भएपछि आफूलाई स्याहारसुसार गर्नेछन् भन्ने चाहना आम अभिभावकलाई हुन्छ । तर कहिँ कतै यससँग मेल नखानु विडम्बना नै भन्नुपर्छ । यसै प्रसंग सँग जोडिएको छ, धनमाया गुरुङको जिन्दगी ।
कपिलवस्तु शिवराज नगरपालिका – २, हेलवदिहवा घर भएकी ७४ बर्षिय गुरुङ बिचल्ली परेकी छन् । काम गरेर मनग्ये आम्दानी गरि आमा, बुवा लगायत परिवार पाल्ने सपना सजाएका हुन छोरा बसन्त गुरुङ र सुरज गुरुङ ।
धनमायाको ४७ बर्षिय जेठो छोरा वसन्त रोजगारीको सिलसिलामा भारत गएका उनी विगत पाँच बर्ष देखि प्यारालाइसेस भएर श्रीमती र एक बच्चासहित भारतको गोहा बस्दै आएका छन् ।
यस्तै उनको अर्का ४० बर्षिय कान्छा छोरा सुरज साढे तीन बर्षदेखि दुबै मृगौला फेल भइ बुटवल स्थित गौतमबुद्घ मुटु अस्पतालमा उपचाररत रहेका छन् ।
उनको आमा धनमायाले भनिन् ः “दुबै छोरा बिराम छन् एउटा छोरा भारत र अर्का छोरा गौतमबुद्घ मुटु अस्पताल बुटवल औषधि उपचार गर्दा घरमा भएको खेतबारी सकि सक्यो ।“ उनी थपिन ः “अब उपचार गर्ने क्षमत छैन ।“
विगत लामो समयदेखि धनमाया आफै पनि युरिकेसिड र बाथ रोगको बिरामी भए पनि सकि नसकि, खाई नखाई गाउँघरबाट आर्थिक संकलन गरेको उनले जनाइन् । पारिवारिक सहित आर्थिक अवस्था कमजोर भए पछि घरबार बिग्रिएको उनले सुनाइन् । साथीभाइ लगायतको साथ सहयोगले अहिले सम्म उपचार गर्दै आएको बताउँदै अब उपचार गर्न जटिलता थपिएको जिकिर गरिन ।
धनमायको दुबै छोरा बिरामी हुँदै आफू पनि उस्तै रहेकोले उनलाई खाना पकाएर खुवाइदिने समेत घरमा कोहि नभएर बिचल्ली परेकी छन् । उनको ऋण छाँदै छ उसैमाथि घरका घरका खम्बा मानिने दुबै छोरा बिरामी भएर बृद्घा अवस्थाकी उनी दुःख भोगिरहेकी बताउँछिन् । कसैले सहयोग गरे केही समय संसारमा आनन्दले बाँच्ने थिँए–उनले भनिन् ।