© २०२३
६ पुष २०८२, आइतबार
६ पुष २०८२, आइतबार
काठमाडौं ।
आम जनता पार्टी (आजपा)का अध्यक्ष प्रभु साहले प्रधानमन्त्री केपी शर्मा ओलीको स्पेन भ्रमणलाई लक्षित गर्दै सरकारप्रतिको आक्रोश पोखेका छन्। वीरगञ्जमा पत्रकारहरूसँग कुराकानी गर्दै उनले यस्तो समयमै प्रधानमन्त्रीको विदेश यात्रा देशका लागि निरर्थक भएको दाबी गरे।
साहका अनुसार, जब मुलुकमा विपद् र संकटका समयहरू आउँछन्, त्यही बेला प्रधानमन्त्री सयरमा निस्किने गरेका छन्। उनले गत वर्ष बाढीपहिरोको समयमा पनि प्रधानमन्त्री ओली विदेशमै रहेका उदाहरण दिँदै, अहिले पनि त्यस्तै व्यवहार दोहोरिएको आरोप लगाए। उनका अनुसार, युद्धरत मुलुकहरूबाट नेपाली नागरिकलाई उद्धार गर्न असमर्थ देखिएको सरकारले यस्तो भ्रमण गर्नु जनताप्रति गैरजिम्मेवार व्यवहार हो।
उनको टिप्पणीमा प्रधानमन्त्रीको भ्रमणबाट खास उपलब्धि नहुने र यसले केवल राज्यको ढुकुटीमा अनावश्यक बोझ थप्ने संकेत गरिएको छ। प्रधानमन्त्री ओली १६ असारमा चार दिने स्पेन भ्रमणमा प्रस्थान गर्दैछन्। साहको भनाइले यो भ्रमणलाई लिएर राजनीतिक वृत्तमा बहस र आलोचना चर्काउने देखिन्छ।
© २०२३
सर्वाधिकार सुरक्षित
Design & Developed By:
