खोज

बुटवल, १० असार । नेपाल औषधी ब्यवसायी संघले आफनो स्थापना दिवस सामाजिक उत्तरदायित्वका कार्यक्रम गरि मनाएको छ । ५२ औ स्थापना दिवसको अवसरमा जिल्ला शाखा रुपन्देहीले वृहत रक्तदान कार्यक्रम तथा वाटर डिस्पेन्सर वितरण गरेको हो ।

मंगलबार एक समारोहका बिच केन्द्रीय वरिष्ठ उपाध्यक्ष रामप्रसाद खरेल, पुर्व केन्द्रीय अध्यक्ष बाबुराम भट्टराई, केन्द्रीय पुर्व उपाध्यक्ष सुनिल श्रेष्ठ, पुर्व लुम्बिनी प्रदेश अध्यक्ष शिव ज्ञवाली, पुर्व रुपन्देही जिल्ला अध्यक्ष सुरज भट्टराईले नेपाल रेडक्रस सोसाइटी, रक्तसंचार केन्द्र बुटवलका सदस्यसचिव राधा शर्मालाई वाटर डिस्पेन्सर हस्तान्तरण गरे ।

कार्यक्रममा केन्द्रीय वरिष्ठ उपाध्यक्ष रामप्रसाद खरेलले औषधि ब्यवसायी हकहितसंगै सामाजिक कार्यमा समेत सधै अग्रसर रहेर उत्कृष्ट कार्य गर्न सफल रहेको बताए । संस्थागत एकतामा बल हुने भन्दै उनले नेपाल सरकारबाट औषधी ब्यवसायीको बिरुद्ध अब्यवहारिक ऐन ल्याउन लाग्दा देशभरका ११ वटा स्वास्थ्य संस्थाहरु आन्दोलनमा आएसंगै समस्या समाधान हुने आशा पलाएको बताए ।

कार्यक्रममा संघका पुर्व केन्द्रीय अध्यक्ष बाबुराम भट्टराईले पहिलोपटक रक्तदान गर्दाको अनुभव र पछिल्लोसमय सफल भएको रक्तदान अभियानबारे प्रकाश पारे ।

कार्यक्रममा नेपाल रेडक्रस सोसाइटी रुपन्देही शाखाका कोषाध्यक्ष अर्जुनराज उपाध्यायले संस्थाहरुबिचमा सहकार्य निरन्तर जरुरी रहने बताए । जिल्लामा रहेका विभिन्न संघसंस्थाहरुबाट गरिदै आएको रक्तदान कार्यक्रमबाट यहाको रगत अभावलाई पुरा गर्दै आएको भन्दै पछिल्लोसमय संस्थाहरुको तथ्याकिकरणलाई ध्यान दिएको उनले बताए ।

कार्यक्रममा संघका जिल्ला अध्यक्ष खड्ग बहादुर बस्नेतले संस्थाको वार्षिक कार्ययोजना अनुसार ब्यवसायलाई मर्यादित बनाउनेमात्र नभई सामाजिक क्षेत्रमा समेत सधै अग्रसर हुने गरि काम गर्दै आएको बताए ।

कार्यक्रममा पुर्व रुपन्देही जिल्ला अध्यक्ष सुरज भट्टराई, प्रदेश अध्यक्ष लुकराज न्यौपाने, संघका वरिष्ठ उपाध्यक्ष पुरुषोत्तम भट्टराई, संघका जिल्ला सचिव कृष्ण शर्मा पोखरेलले औषधि ब्यवसायी र रक्त संस्था बिचको सम्बन्धलाई कायम राख्ने गरि कार्यक्रमलाई जोड्दै जानुपर्ने बताए ।रक्तदान कार्यक्रममा ३५ युनिट रगत संकलन भएको कार्यक्रम संयोजक मोतिलाल खनालले बताए ।