© २०२३
२९ मंसिर २०८२, सोमबार
२९ मंसिर २०८२, सोमबार
काठमाडौं ।
काठमाडौंकी टिकटकर रमा बस्नेतको पक्राउप्रति सवाल उठ्दै सर्वोच्च अदालतमा बन्दीप्रत्यक्षीकरणको निवेदन दायर गरिएको छ। रमाका बाबु बलदेव बस्नेतले सर्वोच्चमा निवेदन दर्ता गराएका हुन्, जसमा रमालाई गैरकानुनी रूपमा हिरासतमा राखिएको दाबी गरिएको छ।
मंगलबार न्यायाधीश कुमार रेग्मीको एकल इजलासले उक्त निवेदनमाथि प्रारम्भिक सुनुवाइ गर्दै प्रधानमन्त्री तथा मन्त्रिपरिषद् कार्यालय, गृह मन्त्रालय, प्रहरी प्रधान कार्यालय र साइबर ब्यूरोलाई कारण देखाउ आदेश जारी गरेको छ।
साइबर ब्यूरोले रमालाई विद्युतीय कारोबार ऐन उल्लंघन गरेको आरोपमा पक्राउ गरेको जनाएको छ। सार्वजनिक रूपमा टिकटकमार्फत उनले नेकपा (एमाले) र पार्टी अध्यक्ष केपी शर्मा ओलीलाई लक्षित गर्दै अपशब्द प्रयोग गरेकी थिइन्। उक्त भिडियो सामाजिक सञ्जालमा भाइरल बनेपछि प्रहरीले उनलाई नियन्त्रणमा लिएको हो।
अब अदालतले सम्बन्धित पक्षबाट जवाफ मागेपछि मात्रै रमाको गिरफ्तारी कानुनी थियो वा थिएन भन्ने विषयमा ठोस निर्णय आउनेछ। यस प्रकरणले अभिव्यक्ति स्वतन्त्रता र डिजिटल स्पेसमा सीमाका विषयमा फेरि एकपटक बहस तान्ने संकेत देखिएको छ।
© २०२३
सर्वाधिकार सुरक्षित
Design & Developed By:
