© 2026
२२ श्रावण २०८३, शुक्रबार
२२ श्रावण २०८३, शुक्रबार
लमही । देउखुरीको गढवा गाउँपालिका–३ गोबर्डिहामा मोटरसाइकलले पैदलयात्रीलाई ठक्कर दिँदा एक जनाको मृत्यु भएको छ ।
मृत्यु हुनेमा गढवा–३ गोबर्डिहा निवासी ४७ वर्षीय राधेश्याम चौधरी रहेका छन् । स्थानीयका अनुसार तीव्र गतिमा रहेको रा २ प ७०५४ नम्बरको मोटरसाइकलले आज बिहान साढे ५ बजेतिर पैदल हिँडिरहेका चौधरीलाई ठक्कर दिएको हो ।
मोटरसाइकलको ठक्करबाट गम्भीर घाइते भएका चौधरीलाई तत्काल राप्ती स्वास्थ्य विज्ञान प्रतिष्ठान घोराहीमा उपचारको लागि लगिएको थियो । तर उपचार गर्दै गर्दा चौधरीलाई चिकित्सकले मृत्यु भएको घोषणा गरेका थिए ।
इलाका प्रहरी कार्यालय गढवाका कार्यालय प्रमुख (प्रहरी निरीक्षक) साहिल बुढाथोकीका अनुसार अहिले मोटरसाइकल चालक रामकृष्ण लोधलाई नियन्त्रणमा लिएर जिल्ला अदालतबाट आजै म्याद थप गरि घटनाको बारेमा अनुसन्धान भइरहेको जानकारी दिए ।
© 2026
All rights reserved.
Design & Developed By:
