खोज

नेपालगञ्ज, ११ बैशाख ।
लुम्बिनी कप अन्तर्राष्ट्रिय आमन्त्रण महिला फुटबलको उपाधिका लागि एपीएफ क्लब र नेपाल पुलिस क्लब प्रतिस्प्रधा हुने भएको छ । नेपालगन्ज रङ्गशालामा बुधबार सम्पन्न दोस्रो सेमिफाइनल खेलमा रौतहट फुटबल संघको टोलीलाई ३–० गोल अन्तरले पराजित गर्दै एपीएफ क्लब फाइनलमा प्रवेश गरेसँगै दुई विभागिय टोलीबीच प्रतिस्प्रधा हुने भएको हो ।

एपीएफको तर्फबाट दोस्रो हाफमा अनिता केसी, निशा ठोकर र सबिता राना मगरले १–१ गोल गरे । रौतहटले गोल गर्ने थुप्रै अवसर गुमाएकको थियो । खेलमा म्यान अफ द म्याच एपीएफकी अनिता केसी भइन् । एपीएफले अब उपाधिका लागि शुक्रबार अर्को विभागीय टोली नेपाल पुलिस क्लबसँग खेल्नेछ । पुलिसले मङ्गलबार अर्को विभागीय टोली त्रिभुवन आर्मी क्लबलाई सडन डेथमा पराजित गरेर फाइनल यात्रा तय गरेको थियो ।

यसअघि एपिएफले कर्णाली प्रदेशलाई ६–० तथा रौतहटले घरेलु टोली बाँके–११ लाई ३–० ले हराउँदै फाइनल यात्रा तय गरेका थिए । अन्तरालको आयोजना तथा बाँके जिल्ला फुटबल संघ सहकार्यमा भइरहेको प्रतियोगिताको विजेताले ५ लाख ५ हजार ५५५ रुपैयाँ र उपविजेताले २ लाख ५० हजार रुपैयाँ, ट्रफी, मेडल प्राप्त गर्नेछन् बाँके जिल्ला फुटबल सङ्घसँगको सहकार्यमा हुन लागेको प्रतियोगिताको विजेता टिमले ५ लाख ५ हजार ५ सय ५५ रुपैयाँ र उपविजेता टिमले २ लाख ५० हजार रुपैयाँ, ट्रफी, मेडल र पुरस्कार प्राप्त गर्ने आयोजक अन्तरालले जनाएको छ । प्रतियोगिता वैशाख १२ गतेसम्म चल्नेछ ।