खोज

बुटवल, २४ चैत ।
नेपालका पुर्व महिला क्रिकेट खेलाडीहरुको बिचमा रुपन्देहीमा नेपाल वुमन्स लेजेण्ड सिरिज २०८१ हुने भएको छ। कोटहीमाई गाउपालिका योलो ड्रिकिङ वाटरको आयोजना तथा रुपन्देही क्रिकेट संघको सहयोगमा चैत्र २५ र २६ गते दुई दिन पुर्व राष्ट्रिय र अन्तर्राष्ट्रिय महिला खेलाडीहरुको दुई टिम बिचमा वुमन्स लेजेण्ड सिरिज हुने भएको हो ।

आईतबार सिद्धार्थ रंगशालामा पत्रकार सम्मेलन गरि प्रतियोगिताको संयोजक नितु थापाले तयारी पूरा भएको बताए। सन २००७ र २००९ ब्याचलाई समेटेर १७ वर्षको अन्तरालमा प्रतियोगिता आयोजना गर्न लागेको उनले बताईन। देशका विभिन्न ठाउबाट खेलाडीहरु आईसकेको तथा अन्य प्राविधिक पक्षमा काम पूरा भएको उनले बताईन। टिट्यान्टी फरमेटमा हुने प्रतियोगिता २ दिन हुने उनले बताईन।

प्रतियोगिताको २००७ को टिमा नेरी थापामगर, नितु थापा, निरा राज उपाध्याय, माया रावत, मधु थापा, सरस्वती लामगादे, बिनु बुढामगर, सुस्मिता चौधरी, अम्बिका, तृष्णा सिह, ममता थापा, ज्योति कुवर तथा २००९ को टिममा रितु कनौजिया, सोनु खड्का, शोभा आले, रोजी जोशी, सरस्वती चौधरी, खिमा थापा, रोजी कडारी, सीता शाही, निमा महर्जन, करुणा भण्डारी खेलाडीहरु छन।

कार्यक्रममा प्रेस क्लबका अध्यक्ष कमल रायमाझीले पुरुषहरुको मात्र प्रतियोगिता हुँदै आएकोमा नया भिजनसहित आयोजना हुन लागेको बताए। आगामी दिनमा समेत यसले महिला क्रिकेट उत्पादनमा समेत मद्दत मिल्नेमा आशावादी रहेको उनले बताए।

कार्यक्रममा नेपाल खेलकुद पत्रकार मंच, रुपन्देहीका अध्यक्ष सुमन अधिकारीले नया पुस्तालाई खेलमा आउन प्रोत्साहन मिल्ने बताए । रुपन्देही जिल्लालाई छनौट गरि प्रतियोगिता आयोजना गरिदा यसले यश क्षेत्रको पर्यटनमा समेत टेवा मिल्ने उनले बताए।

कार्यक्रममा रुपन्देही क्रिकेट संघका अध्यक्ष हरि थापाले संस्थागत रुपमा आवश्यक प्राविधिक पक्षमा समेत सहयोग गर्ने प्रतिवद्घता जनाए।