© २०२३
८ मंसिर २०८१, शनिबार
८ मंसिर २०८१, शनिबार
बुटवल, ३ मंसिर ।
पत्रकार एनबी कंडेल (नरबहादुर कंडेल) को सवारी दुर्घटनामा परी निधन भएको छ ।
शुक्रबार साँझ सिद्धार्थ राजमार्गको बुटवल–भैरहवा खण्डस्थित जानकीनगरमा पत्रकार कंडेल सवार मोटरसाईकललाई रेडिमिक्स (सिमेन्ट घोल्ने सवारी) ले ठक्कर दिएको थियो ।
बुटवलबाट भैरहवा तर्फ जादै गरेको लु ४४ प ८२०१ नम्बरको मोटरसाइकललाई सोही दिशा तर्फ जाँदै गरेको लु १ क ५२७६ रेडिमिक्सले ठक्कर दिदा मोटरसाइकल चालक कंडेलको निधन भएको हो ।
जिल्ला प्रहरी कार्यालय रुपन्देहीले पत्रकार कंडेलको लुम्बिनी प्रादेशिक अस्पतालमा उपचारको क्रममा निधन भएको जानकारी दिएको छ । रुपन्देही सैनामैना नगरपालिका–१ रानी बगिया स्थायी घर भई बुटवलमा बस्दै आएका ३५ बर्षीय कंडेल ग्लोबल आवाज डट कमका सम्पादक थिए । उनी करिव डेढ दशकदेखि रुपन्देहीमा रहेर सक्रिय पत्रकारिता गर्दै आएका थिए । ठक्कर दिने रेडिमिक्स (सिमेन्ट घोल्ने) सवारी र चालकलाई नियन्त्रणमा लिई अनुसन्धान भइरहेको प्रहरीको भनाई छ ।
विगत ढेड दशकदेखि पत्रकारितामा आबद्ध कंडेल रुपन्देहीबाट सञ्चालित ग्लोबल आवाज डटकममा सम्पादकको रुपमा कार्यरत थिए ।
© २०२३
सर्वाधिकार सुरक्षित
Design & Developed By:
