खोज

बुटवल, ५ चैत ।
बुटवलमा जारी प्रथम वडा स्तरीय मेयर कप नकआउट फुटबल प्रतियोगितामा वडा नं १४ र वडा नं. ८ विजयी हुदै अन्तिम चारमा प्रवेश गरेका छन । बुटवल उपमहानगरपालिकाको संरक्षकत्व तथा आदर्श युवा क्लबको आयोजनामा रतनपुरको मुक्तिधाम खेलमैदानमा मंगलबार भएको पहिलो क्वाटरफाईनल खेलमा वडा नं १४ ले वडा नं. १९ लाई ट्राईबेकरमा ४–१ तथा दोस्रो खेलमा वडा नं. ८ ले वडा नं. १२ ट्राईबेकरमा ४–१ गोल अन्तरले पराजित गर्दै अन्तिम चारमा स्थान बनाएका हुन ।

प्रतियोगिताको बुधबार दुई वटा सेमीफाईनल खेलहरु हुनेछन । पहिलो सेमीफाईनल खेलमा वडा नं. १५ र वडा नं. १४ तथा दोस्रो सेमीफाईनलमा वडा नं. ११ र वडा नं. ८ का बिचमा हुने छ ।

मंगलबार भएको खेलको निर्धारित समयमा गोल हुन नसकेपछि ट्राईबेकरमा धकेलिएको थियो । खेलमा शानदार प्रदर्शन गर्ने वडा नं. १४ का सुजित दंगोरिया तथा दोस्रो खेलमा वडा नं. ८ का गोलकिपर प्रबिण दलार्मी म्यान अफ दी म्याचबाट पुरस्कृत भएको क्लबका अध्यक्ष मनिष काफलेले बताए ।

प्रतियोगिताको उपाधि विजेताले नगद १ लाख १ हजार १ सय ११ रुपैया, कप, मेडल, प्रमाणपत्रबाट पुरस्कृत गरिने खेल संयोजक राजेन्द्र बुढाथोकीले बताए । यसैगरि उपविजेता टिमलाई नगद ५१ हजार १ सय ११ रुपैया कप, मेडल, प्रमाणपत्र तथा विधागत रुपमा उत्कृष्ट खेलाडीहरुलाई समेत पुरस्कृत गरिने उनले बताए । चैत ६ गतेसम्म संचालन हुने प्रतियोगितामा करीब ६ लाख खर्च हुने आयोजकको अनुमान छ ।