© २०२३
२२ चैत्र २०८१, शुक्रबार
२२ चैत्र २०८१, शुक्रबार
काठमाडौँ ।
कांग्रेसको नीति, अनुसन्धान तथा प्रशिक्षण प्रतिष्ठानको आयोजनामा आजदेखि भैरहवामा राष्ट्रियस्तरको दुई दिने प्रशिक्षण कार्यक्रम सुरु भएको छ।
यस कार्यक्रममा देशभरका १६५ क्षेत्रीय सभापति सहभागी भएका छन्। आजको पहिलो दिन सभापति शेरबहादुर देउवाले सम्बोधन गर्दै प्रशिक्षणको उद्घाटन गर्ने कार्यक्रम तय भएको छ।
नीति अनुसन्धान प्रतिष्ठानका प्रमुख एवम् उपसभापति पूर्णबहादुर खड्काका अनुसार, प्रशिक्षणमा तीन सय ३० भन्दा बढी नेता र कार्यकर्ताहरू सहभागी भएका छन्। यसमा क्षेत्रीय सभापति, क्षेत्रीय प्रशिक्षण प्रतिष्ठान प्रमुख र एउटै निर्वाचन क्षेत्रका जिल्लाका सभापति र उपसभापति समेत सामेल भएका छन्।
प्रशिक्षण कार्यक्रमको प्रमुख उद्देश्य पार्टीलाई कसरी संस्थागत र बलियो बनाउने भन्ने विषयमा छलफल गर्नु हो। यस कार्यक्रममा कांग्रेसले अहिलेसम्म गरेका नीतिगत सुधार, भौतिक पूर्वाधार, संविधान र देशको विकासमा कांग्रेसको भूमिका लगायतका ६ वटा विषयमा प्रस्तुति हुनेछ।अझै, क्षेत्रीय सभापतिहरूले वर्तमान सरकारको कामकाजमा आलोचनात्मक सुझाव दिनेछन्, जुन सुझावको जवाफ सरकारका मन्त्रीहरूले दिने छन्।
© २०२३
सर्वाधिकार सुरक्षित
Design & Developed By:
