© २०२३
२८ मंसिर २०८२, आइतबार
२८ मंसिर २०८२, आइतबार
कपिलवस्तु, १४ फागुन ।
महाशिवरात्रीका अवसरमा कपिलवस्तु जिल्लाका विभिन्न शिवमन्दिरमा श्रद्धालुको ठूलो घुईचो लागेको छ। जिल्लाको सदरमुकाम तौलिहवा स्थित प्राचीन ताम्रेश्वरनाथ (तौलेश्वरनाथ) महादेव मन्दिरसहित अन्य शिव मन्दिरहरूमा दर्शनार्थीहरूको भीड लागेको हो। महाशिवरात्रीलाई लक्षित गरेर तौलेश्वरनाथ महादेव मन्दिरलाई आकर्षक ढंगले सजाइएको छ र मन्दिरको रौनक थपिएको छ।
तौलिहवा बजार क्षेत्रका श्रद्धालु युवाको अगुवाईमा मन्दिरमा २४ फुटको त्रिशुल राखेर मन्दिरलाई अझ आकर्षक बनाइएको छ। यस वर्ष श्रद्धालुहरूले बिहानैदेखि लामबद्ध भएर उत्साहपूर्वक मन्दिरमा दर्शन गरेका छन्, युवा समाजसेवी बृजेश भट्राले जानकारी दिएका छन्।
महाशिवरात्रीको अवसरमा एशियामा सबैभन्दा ठूलो शिव लिङ्ग भएको दाबी गरिएका तौलेश्वरनाथ महादेव मन्दिरमा बिहानैदेखि दर्शनार्थीहरूको ठूलो भीड लागेको छ। कपिलवस्तु सँगै छिमेकी जिल्ला सिद्धार्थनगर र बलरामपुर जिल्लाबाट पनि ठूलो संख्यामा श्रद्धालुहरू मन्दिरमा दर्शन गर्न आएका छन्।
यसका अतिरिक्त, जिल्लाको शिवराज नगरपालिका स्थित सुन्दरी डाडा स्थित शिव मन्दिरसहित अन्य मन्दिरहरूमा पनि नेपाल र भारतका श्रद्धालुहरूले दर्शन गरेका छन्।
© २०२३
सर्वाधिकार सुरक्षित
Design & Developed By:
