© २०२३
२८ मंसिर २०८२, आइतबार
२८ मंसिर २०८२, आइतबार
प्युठान ।
प्युठानको माण्डवी गाउँपालिका–२ रातापानीमा मृत फेला परेका दम्पतीको हत्या भएको खुलेको छ।प्युठानका प्रहरीले परियार दम्पतीमाथि घन प्रहार भएको जानकारी दिएको छ। घटना भएको घरदेखि ५० मिटर पूर्वमा रगत लागेको अवस्थामा घन बरामद भएको छ।
६० वर्षीय रामबहादुर परियार र उनकी ५६ वर्षीय श्रीमती हुकुमा परियार शनिबार घरमै मृत फेला परेका थिए। फागुन ९ गते राती घरमा खाना खाई सुतेका उनीहरूको बिहान अबेरसम्म नउठेपछि छिमेकीले मृत अवस्थामा देखेपछि प्रहरीलाई खबर गरेका थिए।
प्रहरीले दम्पत्तीको शरीरमा गहिरो चोट लागेको बताएको छ। थप अनुसन्धानका लागि प्रहरीले भैरहवाबाट तालिम प्राप्त कुकुर झिकाएको जानकारी दिएको छ। उनीहरूका चार छोराहरू भारतमा रहेको र छोरीहरूको विवाह भइसकेको प्रहरीले जनाएको छ।
© २०२३
सर्वाधिकार सुरक्षित
Design & Developed By:
