खोज

बुटवल, १० फागुन ।
रुपन्देही जिल्ला शारीरिक सुगठन तथा फिटनेश संघको प्रथम साधारण सभा तथा अधिवेसनबाट राजकुमार श्रेष्ठको नेतृत्वमा ११ सदस्यीय नया नेतृत्व चयन भएको छ । शनिबार बुटवलमा भएको अधिवेसनबाट उपाध्यक्ष मनोज अग्रवाल, सचिव आशिष श्रेष्ठ, कोषाध्यक्ष उत्तम गुरुङ, तथा सदस्यहरुमा सुरजदास नापित, संदिप कोईराला, यमसरी थापा, सुदिप श्रेष्ठ, सुशिल बाबु श्रेष्ठ, रोशन रेग्मी सर्वसम्मत चयन भएका छन ।
अधिवेसनको लुम्बिनी प्रदेश शारीरिक सुगठन तथा फिटनेश संघका अध्यक्ष सितु प्रसाद श्रेष्ठले उद्घाटन गर्दै सबै उमेर समुहलाई फिटनेश जरुरी रहेको बताए । लुम्बिनी प्रदेश खेलाडी उत्पादनको उर्वरभुमीका रुपमा परिचित रहेको भन्दै सरकारबाट शारीरिक सुगठन खेलमा बजेटमा कन्जुसाई गर्न नहुने बताए । ‘यो महगो खेल हो ।’– उनले भने ।

कार्यक्रममा संस्थाको वार्षिक प्रगति विवरण पेश गर्दै नेपाल शारिरिक सुगठन तथा फिटनेश संघका अध्यक्ष राजकुमार श्रेष्ठले खेल क्षेत्रलाई जिवन्त राख्ने गरि प्रतियोगिताहरुको निरन्तर गरिरहेको बताए । स्थानिय सरकार, खेलप्रेमी र संस्थाका सबैको साथसहयोगमा काम अघि बढिरहेको र आगामी दिनहरुमा समेत कार्यक्रमलाई थप स्तरीय बनाउनतर्फ जोड दिने प्रतिवद्धता जनाए । सबै खेलको माउ खेलको रुपमा शारीरिक सुगठन भएको भन्दै उनले खेलाडीहरुलाई शारीरिक सुगठन महत्वपूर्ण हुने बताए । कार्यक्रममा रुपन्देही जिल्ला खेलकुद विकास समितिका कार्यालय प्रमुख चन्द्रकान्त आचार्य, लुम्बिनी प्रदेश शारिरिक सुगठन संघका सचिव केशव बहादुर शाक्यले शुभकामना दिएका थिए ।

यसैबिच फागुन १७ गते शनिबार हुने तेस्रो मिष्टर उजिर सिंह रुपन्देही जिल्ला स्तरीय शारीरिक सुगठन प्रतियोगिता–२०८१ को तयारी पुरा भएको छ । संघका अध्यक्ष राजकुमार श्रेष्ठले कर्णेल उजिरसिंह र जितगढी किल्लाको सामरिक महत्त्वलाई थप उजागर गर्ने र खेललाई पर्यटन प्रवद्र्धनमा जोडने उद्देश्य प्रतियोगिता गर्न लागेको बताए ।

जितगढी किल्ला परिसरमा ५ वटा वजन समूहमा प्रतियोगितामा हुने संघका सचिव आशिष श्रेष्ठले बताए । जसमा ५५, ६०, ६५, ७० र ७० भन्दा केजी भन्दा बढी तौल समूह गरि पाँच तौल समुहमा प्रतियोगिता हुने छ । प्रतियोगितामा ओभर अल विजेताले नगद ५१ हजार रुपैया,मेडल र प्रमाणपत्रबाट पुरस्कृत गरिने छ ।

यसैगरि तौल समुहमा प्रथम द्वितीय, तृतीय, हुने खेलाडीले क्रमशः १० हजार, ८ हजार, ५ हजार नगद पुस्कार, मेडल र प्रमाणपत्रबाट पुरस्कृत गरिने संघका उपाध्यक्ष मनोज अग्रवालले बताए । प्रथम मिष्टर उजिरसिंहमा सुनिल आले विजेता रहेका थिए भने दोश्रो संस्करण स्यामुल गुरुङले जितेका थिए ।