© 2026
१० चैत्र २०८२, मंगलवार
१० चैत्र २०८२, मंगलवार
काठमाडौं, ९ फागुन ।
नेपालमा माघ महिनामा आगलागीका कारण २२ जनाको ज्यान गएको छ। नेपाल प्रहरीको तथ्याङ्क अनुसार देशभर ४ सय ७८ वटा आगलागीका घटनामा ११ पुरुष, १० महिला र एक बालकको मृत्यु भएको हो।
माघ महिनामा आगलागीका कारण ८७ जना घाइते भएका छन्, जसमा २६ पुरुष, ५४ महिला, ४ बालक र ३ बालिका छन्। यसैगरी, आगलागीमा परी २४७ चौपाया मरेका छन्।
प्रदेशगत रूपमा कोशी प्रदेशमा सबैभन्दा धेरै १ सय २९ वटा आगलागीका घटना भएका छन्। त्यसपछि मधेशमा ८९, बाग्मतीमा ४२, गण्डकीमा ३९, लुम्बिनीमा ६३, कर्णालीमा ३२ र सुदूरपश्चिममा ४७ वटा आगलागीका घटना भएका छन्। काठमाण्डौ उपत्यकामा भने ३७ वटा आगलागीका घटनाहरू सार्वजनिक भएका छन्।
आगलागीबाट ६८ घर र ६६ गोठमा क्षति पुगेको र १७ जना विस्थापित भएको जानकारी पनि प्रहरीले दिएको छ। यसका कारण कुल १८ करोड ४८ लाख ८१ हजार रुपैयाँ बराबरको क्षति भएको छ।
यस वर्ष हिउँदको सुक्खा मौसमले डढेलो र आगलागीका घटनामा वृद्धि गरेको पाइन्छ। जलवायु परिवर्तनका कारण प्राकृतिक विपद्का घटनामा वृद्धि भएको र समयानुकूल कानून परिमार्जनको आवश्यकता रहेको विज्ञहरूले औंल्याएका छन्।
© 2026
All rights reserved.
Design & Developed By:
